Devi · Traditional devotional text · Source: vignanam.org (Traditional devotional text (public-domain shlokas))
सरस्वती महाभद्रा महामाया वरप्रदा । श्रीप्रदा पद्मनिलया पद्माक्षी पद्मवक्त्रिका ॥ 1 ॥
शिवानुजा पुस्तकहस्ता ज्ञानमुद्रा रमा च वै । कामरूपा महाविद्या महापातकनाशिनी ॥ 2 ॥
Offered for worship and study, not as prediction. Non-commercial.
महाश्रया मालिनी च महाभोगा महाभुजा । महाभागा महोत्साहा दिव्यांगा सुरवंदिता ॥ 3 ॥
महाकाली महापाशा महाकारा महांकुशा । सीता च विमला विश्वा विद्युन्माला च वैष्णवी ॥ 4 ॥
चंद्रिका चंद्रलेखाविभूषिता च महाफला । सावित्री सुरसादेवी दिव्यालंकारभूषिता ॥ 5 ॥
वाग्देवी वसुधा तीव्रा महाभद्रा च भोगदा । गोविंदा भारती भामा गोमती जटिला तथा ॥ 6 ॥
विंध्यवासा चंडिका च सुभद्रा सुरपूजिता । विनिद्रा वैष्णवी ब्राह्मी ब्रह्मज्ञानैकसाधना ॥ 7 ॥
सौदामिनी सुधामूर्ति स्सुवीणा च सुवासिनी । विद्यारूपा ब्रह्मजाया विशाला पद्मलोचना ॥ 8 ॥
शुंभासुरप्रमथिनी दूम्रलोचनमर्दना । सर्वात्मिका त्रयीमूर्ति श्शुभदा शास्त्ररूपिणी ॥ 9 ॥
सर्वदेवस्तुता सौम्या सुरासुरनमस्कृता । रक्तबीजनिहंत्री च चामुंडा मुंडकांबिका ॥ 10 ।
कालरात्रिः प्रहरणा कलाधारा निरंजना । वरारोहा च वाग्देवी वाराही वारिजासना ॥ 11 ॥
चित्रांबरा चित्रगंधा चित्रमाल्यविभूषिता । कांता कामप्रदा वंद्या रूपसौभाग्यदायिनी ॥ 12 ॥
श्वेतासना रक्तमध्या द्विभुजा सुरपूजिता । निरंजना नीलजंघा चतुर्वर्गफलप्रदा ॥ 13 ॥
चतुराननसाम्राज्ञी ब्रह्मविष्णुशिवात्मिका । हंसानना महाविद्या मंत्रविद्या सरस्वती ॥ 14 ॥
महासरस्वती तंत्रविद्या ज्ञानैकतत्परा ।
इति श्री सरस्वत्यष्टोत्तरशतनामस्तोत्रं संपूर्णम् ॥
Browse Related Categories: