Surya Bhagavan · Traditional devotional text · Source: vignanam.org (Traditional devotional text (public-domain shlokas))
ఆదిత్యః ప్రథమం నామం ద్వితీయం తు దివాకరః । తృతీయం భాస్కరః ప్రోక్తం చతుర్థం తు ప్రభాకరః ॥ 1 ॥
పంచమం తు సహస్రాంశుః షష్ఠం చైవ త్రిలోచనః । సప్తమం హరిదశ్వశ్చ అష్టమం తు విభావసుః ॥ 2 ॥
Offered for worship and study, not as prediction. Non-commercial.
నవమం దినకృత్ ప్రోక్తం దశమం ద్వాదశాత్మకః । ఏకాదశం త్రయీమూర్తిర్ద్వాదశం సూర్య ఏవ చ ॥ 3 ॥
ద్వాదశాదిత్యనామాని ప్రాతః కాలే పఠేన్నరః । దుఃస్వప్నో నశ్యతే తస్య సర్వదుఃఖం చ నశ్యతి ॥ 4 ॥
దద్రుకుష్ఠహరం చైవ దారిద్ర్యం హరతే ధ్రువమ్ । సర్వతీర్థకరం చైవ సర్వకామఫలప్రదమ్ ॥ 5 ॥
యః పఠేత్ ప్రాతరుత్థాయ భక్త్యా స్తోత్రమిదం నరః । సౌఖ్యమాయుస్తథారోగ్యం లభతే మోక్షమేవ చ ॥ 6 ॥
ఇతి శ్రీ ఆదిత్య ద్వాదశనామ స్తోత్రమ్ ।
Browse Related Categories: