ஶ்ரீ கா³யத்ரீ ஹ்ருத³யம்

അഥാര്ഥന്യാസഃ । ദ്യൌമൂര്ധ്നി ദൈവതമ് । ദംതപംക്താവശ്വിനൌ । ഉഭേ സംധ്യേ ചൌഷ്ഠൌ । മുഖമഗ്നിഃ । ജിഹ്വാ സരസ്വതീ । ഗ്രീവായാം തു ബൃഹസ്പതിഃ । സ്തനയോർവസവോഽഷ്ടൌ । ബാഹ്വോര്മരുതഃ । ഹൃദയേ പര്ജന്യഃ । ആകാശമുദരമ് । നാഭാവംതരിക്ഷമ് । കട്യോരിംദ്രാഗ്നീ । ജഘനേ വിജ്ഞാനഘനഃ പ്രജാപതിഃ । കൈലാസമലയേ ഊരൂ । വിശ്വേദേവാ ജാന്വോഃ । ജംഘായാം കൌശികഃ । ഗുഹ്യമയനേ । ഊരൂ പിതരഃ । പാദൌ പൃഥിവീ । വനസ്പതയോഽംഗുലീഷു । ഋഷയോ രോമാണി । നഖാനി മുഹൂര്താനി । അസ്ഥിഷു ഗ്രഹാഃ । അസൃങ്മാംസമൃതവഃ ॥ സംവത്സരാ വൈ നിമിഷമ് । അഹോരാത്രാവാദിത്യശ്ചംദ്രമാഃ । പ്രവരാം ദിവ്യാം ഗായത്രീം സഹസ്രനേത്രാം ശരണമഹം പ്രപദ്യേ ॥

ഓം തത്സവിതുർവരേണ്യായ നമഃ । ഓം തത്പൂർവാജയായ നമഃ । തത്പ്രാതരാദിത്യായ നമഃ । തത്പ്രാതരാദിത്യപ്രതിഷ്ഠായൈ നമഃ ॥

പ്രാതരധീയാനോ രാത്രികൃതം പാപം നാശയതി । സായമധീയാനോ ദിവസകൃതം പാപം നാശയതി । സായം പ്രാതരധീയാനോ അപാപോ ഭവതി । സർവതീര്ഥേഷു സ്നാതോ ഭവതി । സർവൈര്ദേവൈര്ജ്ഞാതോ ഭവതി । അവാച്യവചനാത്പൂതോ ഭവതി । അഭക്ഷ്യഭക്ഷണാത്പൂതോ ഭവതി । അഭോജ്യഭോജനാത്പൂതോ ഭവതി । അചോഷ്യചോഷണാത്പൂതോ ഭവതി । അസാധ്യസാധനാത്പൂതോ ഭവതി । ദുഷ്പ്രതിഗ്രഹശതസഹസ്രാത്പൂതോ ഭവതി । സർവപ്രതിഗ്രഹാത്പൂതോ ഭവതി । പംക്തിദൂഷണാത്പൂതോ ഭവതി । അനൃതവചനാത്പൂതോ ഭവതി । അഥാഽബ്രഹ്മചാരീ ബ്രഹ്മചാരീ ഭവതീ । അനേന ഹൃദയേനാധീതേന ക്രതുസഹസ്രേണേഷ്ടം ഭവതി । ഷഷ്ടിശതസഹസ്രഗായത്ര്യാ ജപ്യാനി ഫലാനി ഭവംതി । അഷ്ടൌ ബ്രാഹ്മണാന് സമ്യഗ്ഗ്രാഹയേത് । തസ്യ സിദ്ധിര്ഭവതി । യ ഇദം നിത്യമധീയാനോ ബ്രാഹ്മണഃ പ്രാതഃ ശുചിഃ സർവപാപൈഃ പ്രമുച്യത ഇതി । ബ്രഹ്മലോകേ മഹീയതേ ॥

ഇത്യാഹ ഭഗവാന് ശ്രീനാരായണഃ ॥

ഇതി ശ്രീദേവീഭാഗവതേ മഹാപുരാണേ ദ്വാദശസ്കംധേ ശ്രീ ഗായത്രീ ഹൃദയം നാമ ചതുര്ഥോഽധ്യായഃ ॥

Browse Related Categories: