Devi · Traditional devotional text · Source: vignanam.org (Traditional devotional text (public-domain shlokas))
ശ്രീ ശിവ ഉവാച
ശതമഷ്ടോത്തരം നാമ്നാം കമലായാ വരാനനേ । പ്രവക്ഷ്യാമ്യതിഗുഹ്യം ഹി ന കദാപി പ്രകാശയേത് ॥ 1
ഓം മഹാമായാ മഹാലക്ഷ്മീര്മഹാവാണീ മഹേശ്വരീ । മഹാദേവീ മഹാരാത്രിര്മഹിഷാസുരമര്ദിനീ ॥ 2 ॥
കാലരാത്രിഃ കുഹൂഃ പൂര്ണാനംദാദ്യാ ഭദ്രികാ നിശാ । ജയാ രിക്താ മഹാശക്തിര്ദേവമാതാ കൃശോദരീ ॥ 3 ॥
ശചീംദ്രാണീ ശക്രനുതാ ശംകരപ്രിയവല്ലഭാ । മഹാവരാഹജനനീ മദനോന്മഥിനീ മഹീ ॥ 4 ॥
വൈകുംഠനാഥരമണീ വിഷ്ണുവക്ഷഃസ്ഥലസ്ഥിതാ । വിശ്വേശ്വരീ വിശ്വമാതാ വരദാഽഭയദാ ശിവാ ॥ 5 ॥
ശൂലിനീ ചക്രിണീ മാ ച പാശിനീ ശംഖധാരിണീ । ഗദിനീ മുംഡമാലാ ച കമലാ കരുണാലയാ ॥ 6 ॥
പദ്മാക്ഷധാരിണീ ഹ്യംബാ മഹാവിഷ്ണുപ്രിയംകരീ । ഗോലോകനാഥരമണീ ഗോലോകേശ്വരപൂജിതാ ॥ 7 ॥
ഗയാ ഗംഗാ ച യമുനാ ഗോമതീ ഗരുഡാസനാ । ഗംഡകീ സരയൂസ്താപീ രേവാ ചൈവ പയസ്വിനീ ॥ 8 ॥
നര്മദാ ചൈവ കാവേരീ കേദാരസ്ഥലവാസിനീ । കിശോരീ കേശവനുതാ മഹേംദ്രപരിവംദിതാ ॥ 9 ॥
Offered for worship and study, not as prediction. Non-commercial.
ബ്രഹ്മാദിദേവനിര്മാണകാരിണീ വേദപൂജിതാ । കോടിബ്രഹ്മാംഡമധ്യസ്ഥാ കോടിബ്രഹ്മാംഡകാരിണീ ॥ 10 ॥
ശ്രുതിരൂപാ ശ്രുതികരീ ശ്രുതിസ്മൃതിപരായണാ । ഇംദിരാ സിംധുതനയാ മാതംഗീ ലോകമാതൃകാ ॥ 11 ॥
ത്രിലോകജനനീ തംത്രാ തംത്രമംത്രസ്വരൂപിണീ । തരുണീ ച തമോഹംത്രീ മംഗളാ മംഗളായനാ ॥ 12 ॥
മധുകൈടഭമഥനീ ശുംഭാസുരവിനാശിനീ । നിശുംഭാദിഹരാ മാതാ ഹരിശംകരപൂജിതാ ॥ 13 ॥
സർവദേവമയീ സർവാ ശരണാഗതപാലിനീ । ശരണ്യാ ശംഭുവനിതാ സിംധുതീരനിവാസിനീ ॥ 14 ॥
ഗംധർവഗാനരസികാ ഗീതാ ഗോവിംദവല്ലഭാ । ത്രൈലോക്യപാലിനീ തത്ത്വരൂപാ താരുണ്യപൂരിതാ ॥ 15 ॥
ചംദ്രാവലീ ചംദ്രമുഖീ ചംദ്രികാ ചംദ്രപൂജിതാ । ചംദ്രാ ശശാംകഭഗിനീ ഗീതവാദ്യപരായണാ ॥ 16 ॥
സൃഷ്ടിരൂപാ സൃഷ്ടികരീ സൃഷ്ടിസംഹാരകാരിണീ । ഇതി തേ കഥിതം ദേവി രമാനാമശതാഷ്ടകമ് ॥ 17 ॥
ത്രിസംധ്യം പ്രയതോ ഭൂത്വാ പഠേദേതത്സമാഹിതഃ । യം യം കാമയതേ കാമം തം തം പ്രാപ്നോത്യസംശയമ് ॥ 18 ॥
ഇമം സ്തവം യഃ പഠതീഹ മര്ത്യോ വൈകുംഠപത്ന്യാഃ പരമാദരേണ । ധനാധിപാദ്യൈഃ പരിവംദിതഃ സ്യാത് പ്രയാസ്യതി ശ്രീപദമംതകാലേ ॥ 19 ॥
ഇതി ശ്രീ കമലാഷ്ടോത്തരശതനാമസ്തോത്രമ് ।
Browse Related Categories: