Vishnu · Traditional devotional text · Source: vignanam.org (Traditional devotional text (public-domain shlokas))
atha chaturthastōtram
nijapūrṇasukhāmitabōdhatanuḥ paraśaktiranantaguṇaḥ paramaḥ । ajarāmaraṇaḥ sakalārtiharaḥ kamalāpatirīḍyatamō'vatu naḥ ॥ 1॥
Offered for worship and study, not as prediction. Non-commercial.
More devotional texts
yadasuptigatō'pi hariḥ sukhavān sukharūpiṇamāhuratō nigamāḥ । svamatiprabhavaṃ jagadasya yataḥ parabōdhatanuṃ cha tataḥ khapatim ॥ 2॥ (sumatiprabhavam) bahuchitrajagat bahudhākaraṇātparaśaktiranantaguṇaḥ paramaḥ । sukharūpamamuṣyapadaṃ paramaṃ smaratastu bhaviṣyati tatsatatam ॥ 3॥
smaraṇē hi parēśiturasya vibhōrmalināni manāṃsi kutaḥ karaṇam । vimalaṃ hi padaṃ paramaṃ svarataṃ taruṇārkasavarṇamajasya harēḥ ॥ 4॥
vimalaiḥ śrutiśāṇaniśātatamaiḥ sumanō'sibhirāśu nihatya dṛḍham । balinaṃ nijavairiṇamātmatamōbhidamīśamanantamupāsva harim ॥ 5॥
na hi viśvasṛjō vibhuśambhupurandara sūryamukhānaparānaparān । sṛjatīḍyatamō'vati hanti nijaṃ padamāpayati praṇatāṃ svadhiyā ॥ 6॥
paramō'pi ramēśiturasya samō na hi kaśchidabhūnna bhaviṣyati cha । kvachidadyatanō'pi na pūrṇasadāgaṇitēḍyaguṇānubhavaikatanōḥ ॥ 7॥
iti dēvavarasya harēḥ stavanaṃ kṛtavān muniruttamamādarataḥ । sukhatīrthapadābhihitaḥ paṭhatastadidaṃ bhavati dhruvamuchchasukham ॥ 8॥
iti śrīmadānandatīrthabhagavatpādāchārya virachitaṃ dvādaśastōtrēṣu chaturthastōtraṃ sampūrṇam
Browse Related Categories: