Subrahmanya Swamy · Traditional devotional text · Source: vignanam.org (Traditional devotional text (public-domain shlokas))
sphuradvidyudvallīvalayitamagōtsaṅgavasatiṃ bhavāppittapluṣṭānamitakaruṇājīvanavaśāt । avantaṃ bhaktānāmudayakaramambhōdhara iti pramōdādāvāsaṃ vyatanuta mayūrō'sya savidhē ॥ 1 ॥
subrahmaṇyō yō bhavējjñānaśaktyā siddhaṃ tasmindēvasēnāpatitvam । itthaṃ śaktiṃ dēvasēnāpatitvaṃ subrahmaṇyō bibhradēṣa vyanakti ॥ 2 ॥
pakṣō'nirvachanīyō dakṣiṇa iti dhiyamaśēṣajanatāyāḥ । janayati barhī dakṣiṇanirvachanāyōgyapakṣayuktō'yam ॥ 3 ॥
yaḥ pakṣamanirvachanaṃ yāti samavalambya dṛśyatē tēna । brahma parātparamamalaṃ subrahmaṇyābhidhaṃ paraṃ jyōtiḥ ॥ 4 ॥
ṣaṇmukhaṃ hasanmukhaṃ sukhāmburāśikhēlanaṃ sanmunīndrasēvyamānapādapaṅkajaṃ sadā । manmathādiśatruvarganāśakaṃ kṛpāmbudhiṃ manmahē mudā hṛdi prapannakalpabhūruham ॥ 5 ॥
iti jagadguru śṛṅgērīpīṭhādhipa śrīchandraśēkharabhāratī śrīpādaiḥ virachitā śrīṣaṇmukhapañcharatnastutiḥ ।
Browse Related Categories:
Offered for worship and study, not as prediction. Non-commercial.
More devotional texts