ஶ்ரீ வேத³ வ்யாஸ ஸ்துதி

வ்யாஸம் வஸிஷ்ட²னப்தாரம் ஶக்தே: பௌத்ரமகல்மஷம் । பராஶராத்மஜம் வந்தே³ ஶுகதாதம் தபோனிதி⁴ம் ॥ 1

வ்யாஸாய விஷ்ணுரூபாய வ்யாஸரூபாய விஷ்ணவே । நமோ வை ப்³ரஹ்மனித⁴யே வாஸிஷ்டா²ய நமோ நம: ॥ 2

க்ருஷ்ணத்³வைபாயனம் வ்யாஸம் ஸர்வலோகஹிதே ரதம் । வேதா³ப்³ஜபா⁴ஸ்கரம் வந்தே³ ஶமாதி³னிலயம் முனிம் ॥ 3

வேத³வ்யாஸம் ஸ்வாத்மரூபம் ஸத்யஸந்த⁴ம் பராயணம் । ஶாந்தம் ஜிதேந்த்³ரியக்ரோத⁴ம் ஸஶிஷ்யம் ப்ரணமாம்யஹம் ॥ 4

அசதுர்வத³னோ ப்³ரஹ்மா த்³விபா³ஹுரபரோ ஹரி: । அபா²லலோசன: ஶம்பு⁴: ப⁴க³வான் பா³த³ராயண: ॥ 5

ஶங்கரம் ஶங்கராசார்யம் கேஶவம் பா³த³ராயணம் । ஸூத்ரபா⁴ஷ்யக்ருதௌ வந்தே³ ப⁴க³வந்தௌ புன: புன: ॥ 6

ப்³ரஹ்மஸூத்ரக்ருதே தஸ்மை வேத³வ்யாஸாய வேத⁴ஸே । ஜ்ஞானஶக்த்யவதாராய நமோ ப⁴க³வதோ ஹரே: ॥ 7

வ்யாஸ: ஸமஸ்தத⁴ர்மாணாம் வக்தா முனிவரேடி³த: । சிரஞ்ஜீவீ தீ³ர்க⁴மாயுர்த³தா³து ஜடிலோ மம ॥ 8

ப்ரஜ்ஞாப³லேன தபஸா சதுர்வேத³விபா⁴ஜக: । க்ருஷ்ணத்³வைபாயனோ யஶ்ச தஸ்மை ஶ்ரீகு³ரவே நம: ॥ 9