Guru · Traditional devotional text · Source: vignanam.org (Traditional devotional text (public-domain shlokas))
vyāsaṃ vasiṣṭhanaptāraṃ śaktēḥ pautramakalmaṣam । parāśarātmajaṃ vandē śukatātaṃ tapōnidhim ॥ 1
vyāsāya viṣṇurūpāya vyāsarūpāya viṣṇavē । namō vai brahmanidhayē vāsiṣṭhāya namō namaḥ ॥ 2
kṛṣṇadvaipāyanaṃ vyāsaṃ sarvalōkahitē ratam । vēdābjabhāskaraṃ vandē śamādinilayaṃ munim ॥ 3
vēdavyāsaṃ svātmarūpaṃ satyasandhaṃ parāyaṇam । śāntaṃ jitēndriyakrōdhaṃ saśiṣyaṃ praṇamāmyaham ॥ 4
achaturvadanō brahmā dvibāhuraparō hariḥ । aphālalōchanaḥ śambhuḥ bhagavān bādarāyaṇaḥ ॥ 5
śaṅkaraṃ śaṅkarāchāryaṃ kēśavaṃ bādarāyaṇam । sūtrabhāṣyakṛtau vandē bhagavantau punaḥ punaḥ ॥ 6
brahmasūtrakṛtē tasmai vēdavyāsāya vēdhasē । jñānaśaktyavatārāya namō bhagavatō harēḥ ॥ 7
vyāsaḥ samastadharmāṇāṃ vaktā munivarēḍitaḥ । chirañjīvī dīrghamāyurdadātu jaṭilō mama ॥ 8
prajñābalēna tapasā chaturvēdavibhājakaḥ । kṛṣṇadvaipāyanō yaścha tasmai śrīguravē namaḥ ॥ 9
Offered for worship and study, not as prediction. Non-commercial.
More devotional texts
jaṭādharastapōniṣṭhaḥ śuddhayōgō jitēndriyaḥ । kṛṣṇājinadharaḥ kṛṣṇastasmai śrīguravē namaḥ ॥ 10
bhāratasya vidhātā cha dvitīya iva yō hariḥ । haribhaktiparō yaścha tasmai śrīguravē namaḥ ॥ 11
jayati parāśarasūnuḥ satyavatī hṛdayanandanō vyāsaḥ । yasyāsya kamalagalitaṃ bhāratamamṛtaṃ jagatpibati ॥ 12
vēdavibhāgavidhātrē vimalāya brahmaṇē namō viśvadṛśē । sakaladhṛtihētusādhanasūtrasṛjē satyavatyabhivyakti matē ॥ 13
vēdāntavākyakusumāni samāni chāru jagrantha sūtranichayēna manōharēṇa । mōkṣārthilōkahitakāmanayā muniryaḥ taṃ bādarāyaṇamahaṃ praṇamāmi bhaktyā ॥ 14
iti śrī vēdavyāsa stutiḥ ।
Browse Related Categories: