யமுனா ஆஷ்டகம்

ಮುರಾರಿಕಾಯಕಾಲಿಮಾಲಲಾಮವಾರಿಧಾರಿಣೀ ತೃಣೀಕೃತತ್ರಿವಿಷ್ಟಪಾ ತ್ರಿಲೋಕಶೋಕಹಾರಿಣೀ । ಮನೋಽನುಕೂಲಕೂಲಕುಂಜಪುಂಜಧೂತದುರ್ಮದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 1 ॥

ಮಲಾಪಹಾರಿವಾರಿಪೂರಭೂರಿಮಂಡಿತಾಮೃತಾ ಭೃಶಂ ಪ್ರಪಾತಕಪ್ರವಂಚನಾತಿಪಂಡಿತಾನಿಶಮ್ । ಸುನಂದನಂದನಾಂಗಸಂಗರಾಗರಂಜಿತಾ ಹಿತಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 2 ॥

ಲಸತ್ತರಂಗಸಂಗಧೂತಭೂತಜಾತಪಾತಕಾ ನವೀನಮಾಧುರೀಧುರೀಣಭಕ್ತಿಜಾತಚಾತಕಾ । ತಟಾಂತವಾಸದಾಸಹಂಸಸಂಸೃತಾ ಹಿ ಕಾಮದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 3 ॥

ವಿಹಾರರಾಸಖೇದಭೇದಧೀರತೀರಮಾರುತಾ ಗತಾ ಗಿರಾಮಗೋಚರೇ ಯದೀಯನೀರಚಾರುತಾ । ಪ್ರವಾಹಸಾಹಚರ್ಯಪೂತಮೇದಿನೀನದೀನದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 4 ॥

ತರಂಗಸಂಗಸೈಕತಾಂಚಿತಾಂತರಾ ಸದಾಸಿತಾ ಶರನ್ನಿಶಾಕರಾಂಶುಮಂಜುಮಂಜರೀಸಭಾಜಿತಾ । ಭವಾರ್ಚನಾಯ ಚಾರುಣಾಂಬುನಾಧುನಾ ವಿಶಾರದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 5 ॥

ಜಲಾಂತಕೇಲಿಕಾರಿಚಾರುರಾಧಿಕಾಂಗರಾಗಿಣೀ ಸ್ವಭರ್ತುರನ್ಯದುರ್ಲಭಾಂಗಸಂಗತಾಂಶಭಾಗಿನೀ । ಸ್ವದತ್ತಸುಪ್ತಸಪ್ತಸಿಂಧುಭೇದನಾತಿಕೋವಿದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 6 ॥

ಜಲಚ್ಯುತಾಚ್ಯುತಾಂಗರಾಗಲಂಪಟಾಲಿಶಾಲಿನೀ ವಿಲೋಲರಾಧಿಕಾಕಚಾಂತಚಂಪಕಾಲಿಮಾಲಿನೀ । ಸದಾವಗಾಹನಾವತೀರ್ಣಭರ್ತೃಭೃತ್ಯನಾರದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 7 ॥

ಸದೈವ ನಂದನಂದಕೇಲಿಶಾಲಿಕುಂಜಮಂಜುಲಾ ತಟೋತ್ಥಫುಲ್ಲಮಲ್ಲಿಕಾಕದಂಬರೇಣುಸೂಜ್ಜ್ವಲಾ । ಜಲಾವಗಾಹಿನಾಂ ನೃಣಾಂ ಭವಾಬ್ಧಿಸಿಂಧುಪಾರದಾ ಧುನೋತು ಮೇ ಮನೋಮಲಂ ಕಲಿಂದನಂದಿನೀ ಸದಾ ॥ 8 ॥