Pancha Ratna Stotras · Traditional devotional text · Source: vignanam.org (Traditional devotional text (public-domain shlokas))
লোকবীরং মহাপূজ্য়ং সর্বরক্ষাকরং বিভুম্ । পার্বতী হৃদয়ানংদং শাস্তারং প্রণমাম্যহম্ ॥ 1 ॥
বিপ্রপূজ্য়ং বিশ্ববংদ্য়ং বিষ্ণুশংভোঃ প্রিয়ং সুতম্ । ক্ষিপ্রপ্রসাদনিরতং শাস্তারং প্রণমাম্যহম্ ॥ 2 ॥
মত্তমাতংগগমনং কারুণ্য়ামৃতপূরিতম্ । সর্ববিঘ্নহরং দেবং শাস্তারং প্রণমাম্যহম্ ॥ 3 ॥
অস্মত্কুলেশ্বরং দেবম্-অস্মচ্ছত্রু বিনাশনম্ । অস্মদিষ্টপ্রদাতারং শাস্তারং প্রণমাম্যহম্ ॥ 4 ॥
পাংড্য়েশবংশতিলকং কেরলে কেলিবিগ্রহম্ । আর্তত্রাণপরং দেবং শাস্তারং প্রণমাম্যহম্ ॥ 5 ॥
পংচরত্নাখ্যমেতদ্য়ো নিত্য়ং শুদ্ধঃ পঠেন্নরঃ । তস্য় প্রসন্নো ভগবান্ শাস্তা বসতি মানসে ॥
ইতি শ্রী শাস্তা পংচরত্নম্ ।
——
অথ শাস্তা নমস্কার শ্লোকাঃ ।
Offered for worship and study, not as prediction. Non-commercial.
More devotional texts
ত্রয়ংবকপুরাধীশং গণাধিপসমন্বিতম্ । গজারূঢমহং বংদে শাস্তারং প্রণমাম্যহম্ ॥ 1 ॥
শিববীর্যসমুদ্ভূতং শ্রীনিবাসতনূদ্ভবম্ । শিখিবাহানুজং বংদে শাস্তারং প্রণমাম্যহম্ ॥ 2 ॥
যস্য় ধন্বংতরির্মাতা পিতা দেবো মহেশ্বরঃ । তং শাস্তারমহং বংদে মহারোগনিবারণম্ ॥ 3 ॥
ভূতনাথ সদানংদ সর্বভূতদয়াপর । রক্ষ রক্ষ মহাবাহো শাস্ত্রে তুভ্য়ং নমো নমঃ ॥ 4 ॥
Browse Related Categories: