Vishnu · Traditional devotional text · Source: vignanam.org (Traditional devotional text (public-domain shlokas))
vrajē prasiddhaṃ navanītachauraṃ gōpāṅganānāṃ cha dukūlachauram । anēkajanmārjitapāpachauraṃ chaurāgragaṇyaṃ puruṣaṃ namāmi ॥ 1॥
Offered for worship and study, not as prediction. Non-commercial.
śrīrādhikāyā hṛdayasya chauraṃ navāmbudaśyāmalakāntichauram । padāśritānāṃ cha samastachauraṃ chaurāgragaṇyaṃ puruṣaṃ namāmi ॥ 2॥
akiñchanīkṛtya padāśritaṃ yaḥ karōti bhikṣuṃ pathi gēhahīnam । kēnāpyahō bhīṣaṇachaura īdṛg- dṛṣṭaḥśrutō vā na jagattrayē'pi ॥ 3॥
yadīya nāmāpi haratyaśēṣaṃ giriprasārān api pāparāśīn । āścharyarūpō nanu chaura īdṛg dṛṣṭaḥ śrutō vā na mayā kadāpi ॥ 4॥
dhanaṃ cha mānaṃ cha tathēndriyāṇi prāṇāṃścha hṛtvā mama sarvamēva । palāyasē kutra dhṛtō'dya chaura tvaṃ bhaktidāmnāsi mayā niruddhaḥ ॥ 5॥
Chinatsi ghōraṃ yamapāśabandhaṃ bhinatsi bhīmaṃ bhavapāśabandham । Chinatsi sarvasya samastabandhaṃ naivātmanō bhaktakṛtaṃ tu bandham ॥ 6॥
manmānasē tāmasarāśighōrē kārāgṛhē duḥkhamayē nibaddhaḥ । labhasva hē chaura! harē! chirāya svachauryadōṣōchitamēva daṇḍam ॥ 7॥
kārāgṛhē vasa sadā hṛdayē madīyē madbhaktipāśadṛḍhabandhananiśchalaḥ san । tvāṃ kṛṣṇa hē! pralayakōṭiśatāntarē'pi sarvasvachaura! hṛdayān na hi mōchayāmi ॥ 8॥
iti śrībilvamaṅgalaṭhākūravirachitaṃ chaurāṣṭakaṃ sampūrṇam ।
chauragragaṇya puruṣāṣṭakam ।
Browse Related Categories: