Shiva · Traditional devotional text · Source: vignanam.org (Traditional devotional text (public-domain shlokas))
సౌరాష్ట్రదేశే విశదేఽతిరమ్యే జ్యోతిర్మయం చంద్రకలావతంసమ్ । భక్తిప్రదానాయ కృపావతీర్ణం తం సోమనాథం శరణం ప్రపద్యే ॥ 1॥
శ్రీశైలశఋంగే విబుధాతిసంగే తులాద్రితుంగేఽపి ముదా వసంతమ్ । తమర్జునం మల్లికపూర్వమేకం నమామి సంసారసముద్రసేతుమ్ ॥ 2॥
అవంతికాయాం విహితావతారం ముక్తిప్రదానాయ చ సజ్జనానామ్ । అకాలమృత్యోః పరిరక్షణార్థం వందే మహాకాలమహాసురేశమ్ ॥ 3॥
కావేరికానర్మదయోః పవిత్రే సమాగమే సజ్జనతారణాయ । సదైవమాంధాతృపురే వసంతమోంకారమీశం శివమేకమీడే ॥ 4॥
పూర్వోత్తరే ప్రజ్వలికానిధానే సదా వసంతం గిరిజాసమేతమ్ । సురాసురారాధితపాదపద్మం శ్రీవైద్యనాథం తమహం నమామి ॥ 5॥
యామ్యే సదంగే నగరేఽతిరమ్యే విభూషితాంగం వివిధైశ్చ భోగైః । సద్భక్తిముక్తిప్రదమీశమేకం శ్రీనాగనాథం శరణం ప్రపద్యే ॥ 6॥
మహాద్రిపార్శ్వే చ తటే రమంతం సంపూజ్యమానం సతతం మునీంద్రైః । సురాసురైర్యక్ష మహోరగాఢ్యైః కేదారమీశం శివమేకమీడే ॥ 7॥
సహ్యాద్రిశీర్షే విమలే వసంతం గోదావరితీరపవిత్రదేశే । యద్ధర్శనాత్పాతకమాశు నాశం ప్రయాతి తం త్ర్యంబకమీశమీడే ॥ 8॥
Offered for worship and study, not as prediction. Non-commercial.
More devotional texts
సుతామ్రపర్ణీజలరాశియోగే నిబధ్య సేతుం విశిఖైరసంఖ్యైః । శ్రీరామచంద్రేణ సమర్పితం తం రామేశ్వరాఖ్యం నియతం నమామి ॥ 9॥
యం డాకినిశాకినికాసమాజే నిషేవ్యమాణం పిశితాశనైశ్చ । సదైవ భీమాదిపదప్రసిద్దం తం శంకరం భక్తహితం నమామి ॥ 10॥
సానందమానందవనే వసంతమానందకందం హతపాపవృందమ్ । వారాణసీనాథమనాథనాథం శ్రీవిశ్వనాథం శరణం ప్రపద్యే ॥ 11॥
ఇలాపురే రమ్యవిశాలకేఽస్మిన్ సముల్లసంతం చ జగద్వరేణ్యమ్ । వందే మహోదారతరస్వభావం ఘృష్ణేశ్వరాఖ్యం శరణం ప్రపద్యే ॥ 12॥
జ్యోతిర్మయద్వాదశలింగకానాం శివాత్మనాం ప్రోక్తమిదం క్రమేణ । స్తోత్రం పఠిత్వా మనుజోఽతిభక్త్యా ఫలం తదాలోక్య నిజం భజేచ్చ ॥
॥ ఇతి శ్రీమద్శంకరాచార్యవిరచితం ద్వాదశజ్యోతిర్లింగస్తోత్రం సంపూర్ణమ్ ॥
Browse Related Categories: