గణేశ మానస పూజ

പ്രവാലമുക്താഫലഹാടകാദ്യൈഃ സുസംസ്കൃതം ഹ്യംതരഭാവകേന । അനര്ഘ്യമര്ഘ്യം സഫലം കുരുഷ്വ മയാ പ്രദത്തം ഗണരാജ ഢുംഢേ ॥ 9 ॥

സൌഗംധ്യയുക്തം മധുപര്കമാദ്യം സംകല്പിതം ഭാവയുതം ഗൃഹാണ । പുനസ്തഥാചമ്യ വിനായക ത്വം ഭക്താംശ്ച ഭക്തേശ സുരക്ഷയാശു ॥ 10 ॥

സുവാസിതം ചംപകജാതികാദ്യൈ- -സ്തൈലം മയാ കല്പിതമേവ ഢുംഢേ । ഗൃഹാണ തേന പ്രവിമര്ദയാമി സർവാംഗമേവം തവ സേവനായ ॥ 11 ॥

തതഃ സുഖോഷ്ണേന ജലേന ചാഹ- -മനേകതീര്ഥാഹൃതകേന ഢുംഢേ । ചിത്തേന ശുദ്ധേന ച സ്നാപയാമി സ്നാനം മയാ ദത്തമഥോ ഗൃഹാണ ॥ 12 ॥

തതഃ പയഃസ്നാനമചിംത്യഭാവ ഗൃഹാണ തോയസ്യ തഥാ ഗണേശ । പുനര്ദധിസ്നാനമനാമയ ത്വം ചിത്തേന ദത്തം ച ജലസ്യ ചൈവ ॥ 13 ॥

തതോ ഘൃതസ്നാനമപാരവംദ്യ സുതീര്ഥജം വിഘ്നഹര പ്രസീദ । ഗൃഹാണ ചിത്തേന സുകല്പിതം തു തതോ മധുസ്നാനമഥോ ജലസ്യ ॥ 14 ॥

സുശര്കരായുക്തമഥോ ഗൃഹാണ സ്നാനം മയാ കല്പിതമേവ ഢുംഢേ । തതോ ജലസ്നാനമഘാപഹംതൃ വിഘ്നേശ മായാഭ്രമം വാരയാശു ॥ 15 ॥

സുയക്ഷപംകസ്ഥമഥോ ഗൃഹാണ സ്നാനം പരേശാധിപതേ തതശ്ച । കൌമംഡലീസംഭവജം കുരുഷ്വ വിശുദ്ധമേവം പരികല്പിതം തു ॥ 16 ॥

തതസ്തു സൂക്തൈര്മനസാ ഗണേശം സംപൂജ്യ ദൂർവാദിഭിരല്പഭാവൈഃ । അപാരകൈര്മംഡലഭൂതബ്രഹ്മ- -ണസ്പത്യകൈസ്തം ഹ്യഭിഷേചയാമി ॥ 17 ॥

തതഃ സുവസ്ത്രേണ തു പ്രോംഛനം ത്വം ഗൃഹാണ ചിത്തേന മയാ സുകല്പിതമ് । തതോ വിശുദ്ധേന ജലേന ഢുംഢേ ഹ്യാചാംതമേവം കുരു വിഘ്നരാജ ॥ 18 ॥

അഗ്നൌ വിശുദ്ധേ തു ഗൃഹാണ വസ്ത്രേ ഹ്യനര്ഘ്യമൌല്യേ മനസാ മയാ തേ । ദത്തേ പരിച്ഛാദ്യ നിജാത്മദേഹം താഭ്യാം മയൂരേശ ജനാംശ്ച പാലയ ॥ 19 ॥

ആചമ്യ വിഘ്നേശ പുനസ്തഥൈവ ചിത്തേന ദത്തം മുഖമുത്തരീയമ് । ഗൃഹാണ ഭക്തപ്രതിപാലക ത്വം നമോ യഥാ താരകസംയുതം തു ॥ 20 ॥

യജ്ഞോപവീതം ത്രിഗുണസ്വരൂപം സൌവര്ണമേവം ഹ്യഹിനാഥഭൂതമ് । ഭാവേന ദത്തം ഗണനാഥ തത്ത്വം ഗൃഹാണ ഭക്തോദ്ധൃതികാരണായ ॥ 21 ॥

ആചാംതമേവം മനസാ പ്രദത്തം കുരുഷ്വ ശുദ്ധേന ജലേന ഢുംഢേ । പുനശ്ച കൌമംഡലകേന പാഹി വിശ്വം പ്രഭോ ഖേലകരം സദാ തേ ॥ 22 ॥

ഉദ്യദ്ദിനേശാഭമഥോ ഗൃഹാണ സിംദൂരകം തേ മനസാ പ്രദത്തമ് । സർവാംഗസംലേപനമാദരാദ്വൈ കുരുഷ്വ ഹേരംബ ച തേന പൂര്ണമ് ॥ 23 ॥

സഹസ്രശീര്ഷം മനസാ മയാ ത്വം ദത്തം കിരീടം തു സുവര്ണജം വൈ । അനേകരത്നൈഃ ഖചിതം ഗൃഹാണ ബ്രഹ്മേശ തേ മസ്തകശോഭനായ ॥ 24 ॥

വിചിത്രരത്നൈഃ കനകേന ഢുംഢേ യുതാനി ചിത്തേന മയാ പരേശ । ദത്താനി നാനാപദകുംഡലാനി ഗൃഹാണ ശൂര്പശ്രുതിഭൂഷണായ ॥ 25 ॥

ശുംഡാവിഭൂഷാര്ഥമനംതഖേലിന് സുവര്ണജം കംചുകമാഗൃഹാണ । രത്നൈശ്ച യുക്തം മനസാ മയാ യ- -ദ്ദത്തം പ്രഭോ തത്സഫലം കുരുഷ്വ ॥ 26 ॥

സുവര്ണരത്നൈശ്ച യുതാനി ഢുംഢേ സദൈകദംതാഭരണാനി കല്പ്യ । ഗൃഹാണ ചൂഡാകൃതയേ പരേശ ദത്താനി ദംതസ്യ ച ശോഭനാര്ഥമ് ॥ 27 ॥

രത്നൈഃ സുവര്ണേന കൃതാനി താനി ഗൃഹാണ ചത്വാരി മയാ പ്രകല്പ്യ । സംഭൂഷയ ത്വം കടകാനി നാഥ ചതുര്ഭുജേഷു ഹ്യജ വിഘ്നഹാരിന് ॥ 28 ॥

വിചിത്രരത്നൈഃ ഖചിതം സുവര്ണ- -സംഭൂതകം ഗൃഹ്യ മയാ പ്രദത്തമ് । തഥാംഗുലീഷ്വംഗുലികം ഗണേശ ചിത്തേന സംശോഭയ തത്പരേശ ॥ 29 ॥

വിചിത്രരത്നൈഃ ഖചിതാനി ഢുംഢേ കേയൂരകാണി ഹ്യഥ കല്പിതാനി । സുവര്ണജാനി പ്രമഥാധിനാഥ ഗൃഹാണ ദത്താനി തു ബാഹുഷു ത്വമ് ॥ 30 ॥

പ്രവാലമുക്താഫലരത്നജൈസ്ത്വം സുവര്ണസൂത്രൈശ്ച ഗൃഹാണ കംഠേ । ചിത്തേന ദത്താ വിവിധാശ്ച മാലാ ഉരോദരേ ശോഭയ വിഘ്നരാജ ॥ 31 ॥

ചംദ്രം ലലാടേ ഗണനാഥ പൂര്ണം വൃദ്ധിക്ഷയാഭ്യാം തു വിഹീനമാദ്യമ് । സംശോഭയ ത്വം വരസംയുതം തേ ഭക്തിപ്രിയത്വം പ്രകടീകുരുഷ്വ ॥ 32 ॥

ചിംതാമണിം ചിംതിതദം പരേശ ഹൃദ്ദേശഗം ജ്യോതിര്മയം കുരുഷ്വ । മണിം സദാനംദസുഖപ്രദം ച വിഘ്നേശ ദീനാര്ഥദ പാലയസ്വ ॥ 33 ॥

നാഭൌ ഫണീശം ച സഹസ്രശീര്ഷം സംവേഷ്ടനേനൈവ ഗണാധിനാഥ । ഭക്തം സുഭൂഷം കുരു ഭൂഷണേന വരപ്രദാനം സഫലം പരേശ ॥ 34 ॥

കടീതടേ രത്നസുവര്ണയുക്താം കാംചീം സുചിത്തേന ച ധാരയാമി । വിഘ്നേശ ജ്യോതിര്ഗണദീപനീം തേ പ്രസീദ ഭക്തം കുരു മാം ദയാബ്ധേ ॥ 35 ॥

ഹേരംബ തേ രത്നസുവര്ണയുക്തേ സുനൂപുരേ മംജിരകേ തഥൈവ । സുകിംകിണീനാദയുതേ സുബുദ്ധ്യാ സുപാദയോഃ ശോഭയ മേ പ്രദത്തേ ॥ 36 ॥

ഇത്യാദി നാനാവിധഭൂഷണാനി തവേച്ഛയാ മാനസകല്പിതാനി । സംഭൂഷയാമ്യേവ ത്വദംഗകേഷു വിചിത്രധാതുപ്രഭവാനി ഢുംഢേ ॥ 37 ॥

സുചംദനം രക്തമമോഘവീര്യം സുഘര്ഷിതം ഹ്യഷ്ടകഗംധമുഖ്യൈഃ । യുക്തം മയാ കല്പിതമേകദംത ഗൃഹാണ തേ ത്വംഗവിലേപനാര്ഥമ് ॥ 38 ॥

ലിപ്തേഷു വൈചിത്ര്യമഥാഷ്ടഗംധൈ- -രംഗേഷു തേഽഹം പ്രകരോമി ചിത്രമ് । പ്രസീദ ചിത്തേന വിനായക ത്വം തതഃ സുരക്തം രവിമേവ ഫാലേ ॥ 39 ॥

ഘൃതേന വൈ കുംകുമകേന രക്താന് സുതംഡുലാംസ്തേ പരികല്പയാമി । ഫാലേ ഗണാധ്യക്ഷ ഗൃഹാണ പാഹി ഭക്താന് സുഭക്തിപ്രിയ ദീനബംധോ ॥ 40 ॥

ഗൃഹാണ ഭോ ചംപകമാലതീനി ജലപംകജാനി സ്ഥലപംകജാനി । ചിത്തേന ദത്താനി ച മല്ലികാനി പുഷ്പാണി നാനാവിധവൃക്ഷജാനി ॥ 41 ॥

പുഷ്പോപരി ത്വം മനസാ ഗൃഹാണ ഹേരംബ മംദാരശമീദളാനി । മയാ സുചിത്തേന പ്രകല്പിതാനി ഹ്യപാരകാണി പ്രണവാകൃതേ തു ॥ 42 ॥

ദൂർവാംകുരാന്വൈ മനസാ പ്രദത്താം- -സ്ത്രിപംചപത്രൈര്യുതകാംശ്ച സ്നിഗ്ധാന് । ഗൃഹാണ വിഘ്നേശ്വര സംഖ്യയാ ത്വം ഹീനാംശ്ച സർവോപരി വക്രതുംഡ ॥ 43 ॥

ദശാംഗഭൂതം മനസാ മയാ തേ ധൂപം പ്രദത്തം ഗണരാജ ഢുംഢേ । ഗൃഹാണ സൌരഭ്യകരം പരേശ സിദ്ധ്യാ ച ബുദ്ധ്യാ സഹ ഭക്തപാല ॥ 44 ॥

ദീപം സുവര്ത്യാ യുതമാദരാത്തേ ദത്തം മയാ മാനസകം ഗണേശ । ഗൃഹാണ നാനാവിധജം ഘൃതാദി- -തൈലാദിസംഭൂതമമോഘദൃഷ്ടേ ॥ 45 ॥

ഭോജ്യം ച ലേഹ്യം ഗണരാജ പേയം ചോഷ്യം ച നാനാവിധഷഡ്രസാഢ്യമ് । ഗൃഹാണ നൈവേദ്യമഥോ മയാ തേ സുകല്പിതം പുഷ്ടിപതേ മഹാത്മന് ॥ 46 ॥

സുവാസിതം ഭോജനമധ്യഭാഗേ ജലം മയാ ദത്തമഥോ ഗൃഹാണ । കമംഡലുസ്ഥം മനസാ ഗണേശ പിബസ്വ വിശ്വാദികതൃപ്തികാരിന് ॥ 47 ॥

തതഃ കരോദ്വര്തനകം ഗൃഹാണ സൌഗംധ്യയുക്തം മുഖമാര്ജനായ । സുവാസിതേനൈവ സുതീര്ഥജേന സുകല്പിതം നാഥ ഗൃഹാണ ഢുംഢേ ॥ 48 ॥

പുനസ്തഥാചമ്യ സുവാസിതം ച ദത്തം മയാ തീര്ഥജലം പിബസ്വ । പ്രകല്പ്യ വിഘ്നേശ തതഃ പരം തേ സംപ്രോംഛനം ഹസ്തമുഖേ കരോമി ॥ 49 ॥

ദ്രാക്ഷാദിരംഭാഫലചൂതകാനി ഖാര്ജൂരകാര്കംധുകദാഡിമാനി । സുസ്വാദയുക്താനി മയാ പ്രകല്പ്യ ഗൃഹാണ ദത്താനി ഫലാനി ഢുംഢേ ॥ 50 ॥

പുനര്ജലേനൈവ കരാദികം തേ സംക്ഷാലയാമി മനസാ ഗണേശ । സുവാസിതം തോയമഥോ പിബസ്വ മയാ പ്രദത്തം മനസാ പരേശ ॥ 51 ॥

അഷ്ടാംഗയുക്തം ഗണനാഥ ദത്തം താംബൂലകം തേ മനസാ മയാ വൈ । ഗൃഹാണ വിഘ്നേശ്വര ഭാവയുക്തം സദാ സകൃത്തുംഡവിശോധനാര്ഥമ് ॥ 52 ॥

തതോ മയാ കല്പിതകേ ഗണേശ മഹാസനേ രത്നസുവര്ണയുക്തേ । മംദാരകാര്പാസകയുക്തവസ്ത്രൈ- -രനര്ഘ്യസംഛാദിതകേ പ്രസീദ ॥ 53 ॥

തതസ്ത്വദീയാവരണം പരേശ സംപൂജയാമി മനസാ യഥാവത് । നാനോപചാരൈഃ പരമപ്രിയൈസ്തു ത്വത്പ്രീതികാമാര്ഥമനാഥബംധോ ॥ 54 ॥

ഗൃഹാണ ലംബോദര ദക്ഷിണാം തേ ഹ്യസംഖ്യഭൂതാം മനസാ പ്രദത്താമ് । സൌവര്ണമുദ്രാദികമുഖ്യഭാവാം പാഹി പ്രഭോ വിശ്വമിദം ഗണേശ ॥ 55 ॥

രാജോപചാരാന്വിവിധാന്ഗൃഹാണ ഹസ്ത്യശ്വഛത്രാദികമാദരാദ്വൈ । ചിത്തേന ദത്താന് ഗണനാഥ ഢുംഢേ ഹ്യപാരസംഖ്യാന് സ്ഥിരജംഗമാംസ്തേ ॥ 56 ॥

ദാനായ നാനാവിധരൂപകാംസ്തേ ഗൃഹാണ ദത്താന്മനസാ മയാ വൈ । പദാര്ഥഭൂതാന് സ്ഥിരജംഗമാംശ്ച ഹേരംബ മാം താരയ മോഹഭാവാത് ॥ 57 ॥

മംദാരപുഷ്പാണി ശമീദളാനി ദൂർവാംകുരാംസ്തേ മനസാ ദദാമി । ഹേരംബ ലംബോദര ദീനപാല ഗൃഹാണ ഭക്തം കുരു മാം പദേ തേ ॥ 58 ॥

തതോ ഹരിദ്രാമബിരം ഗുലാലം സിംദൂരകം തേ പരികല്പയാമി । സുവാസിതം വസ്തു സുവാസഭൂതൈ- -ര്ഗൃഹാണ ബ്രഹ്മേശ്വര ശോഭനാര്ഥമ് ॥ 59 ॥

തതഃ ശുകാദ്യാഃ ശിവവിഷ്ണുമുഖ്യാ ഇംദ്രാദയഃ ശേഷമുഖാസ്തഥാന്യേ । മുനീംദ്രകാഃ സേവകഭാവയുക്താഃ സഭാസനസ്ഥം പ്രണമംതി ഢുംഢിമ് ॥ 60 ॥

വാമാംഗകേ ശക്തിയുതാ ഗണേശം സിദ്ധിസ്തു നാനാവിധസിദ്ധിഭിസ്തമ് । അത്യംതഭാവേന സുസേവതേ തു മായാസ്വരൂപാ പരമാര്ഥഭൂതാ ॥ 61 ॥

ഗണേശ്വരം ദക്ഷിണഭാഗസംസ്ഥാ ബുദ്ധിഃ കലാഭിശ്ച സുബോധികാഭിഃ । വിദ്യാഭിരേവം ഭജതേ പരേശ മായാസു സാംഖ്യപ്രദചിത്തരൂപാഃ ॥ 62 ॥

പ്രമോദമോദാദയഃ പൃഷ്ഠഭാഗേ ഗണേശ്വരം ഭാവയുതാ ഭജംതേ । ഭക്തേശ്വരാ മുദ്ഗലശംഭുമുഖ്യാഃ ശുകാദയസ്തം സ്മ പുരോ ഭജംതേ ॥ 63 ॥

ഗംധർവമുഖ്യാ മധുരം ജഗുശ്ച ഗണേശഗീതം വിവിധസ്വരൂപമ് । നൃത്യം കലായുക്തമഥോ പുരസ്താ- -ച്ചക്രുസ്തഥാ ഹ്യപ്സരസോ വിചിത്രമ് ॥ 64 ॥

ഇത്യാദിനാനാവിധഭാവയുക്തൈഃ സംസേവിതം വിഘ്നപതിം ഭജാമി । ചിത്തേന ധ്യാത്വാ തു നിരംജനം വൈ കരോമി നാനാവിധദീപയുക്തമ് ॥ 65 ॥

ചതുര്ഭുജം പാശധരം ഗണേശം തഥാംകുശം ദംതയുതം തമേവമ് । ത്രിനേത്രയുക്തം ത്വഭയംകരം തം മഹോദരം ചൈകരദം ഗജാസ്യമ് ॥ 66 ॥

സര്പോപവീതം ഗജകര്ണധാരം വിഭൂതിഭിഃ സേവിതപാദപദ്മമ് । ധ്യായേദ്ഗണേശം വിവിധപ്രകാരൈഃ സുപൂജിതം ശക്തിയുതം പരേശമ് ॥ 67 ॥

തതോ ജപം വൈ മനസാ കരോമി സ്വമൂലമംത്രസ്യ വിധാനയുക്തമ് । അസംഖ്യഭൂതം ഗണരാജ ഹസ്തേ സമര്പയാമ്യേവ ഗൃഹാണ ഢുംഢേ ॥ 68 ॥

ആരാര്തികാം കര്പൂരകാദിഭൂതാ- -മപാരദീപാം പ്രകരോമി പൂര്ണാമ് । ചിത്തേന ലംബോദര താം ഗൃഹാണ ഹ്യജ്ഞാനധ്വാംതാഘഹരാം നിജാനാമ് ॥ 69 ॥

വേദേഷു വിഘ്നേശ്വരകൈഃ സുമംത്രൈഃ സുമംത്രിതം പുഷ്പദലം പ്രഭൂതമ് । ഗൃഹാണ ചിത്തേന മയാ പ്രദത്ത- -മപാരവൃത്ത്യാ ത്വഥ മംത്രപുഷ്പമ് ॥ 70 ॥

അപാരവൃത്യാ സ്തുതിമേകദംതം ഗൃഹാണ ചിത്തേന കൃതാം ഗണേശ । യുക്താം ശ്രുതിസ്മാര്തഭവൈഃ പുരാണൈഃ സർവൈഃ പരേശാധിപതേ മയാ തേ ॥ 71 ॥

പ്രദക്ഷിണാ മാനസകല്പിതാസ്താ ഗൃഹാണ ലംബോദര ഭാവയുക്താഃ । സംഖ്യാവിഹീനാ വിവിധസ്വരൂപാ ഭക്താന് സദാ രക്ഷ ഭവാര്ണവാദ്വൈ ॥ 72 ॥

നതിം തതോ വിഘ്നപതേ ഗൃഹാണ സാഷ്ടാംഗകാദ്യാം വിവിധസ്വരൂപാമ് । സംഖ്യാവിഹീനാം മനസാ കൃതാം തേ സിദ്ധ്യാ ച ബുദ്ധ്യാ പരിപാലയാശു ॥ 73 ॥

ന്യൂനാതിരിക്തം തു മയാ കൃതം ചേ- -ത്തദര്ഥമംതേ മനസാ ഗൃഹാണ । ദൂർവാംകുരാന്വിഘ്നപതേ പ്രദത്താന് സംപൂര്ണമേവം കുരു പൂജനം മേ ॥ 74 ॥

ക്ഷമസ്വ വിഘ്നാധിപതേ മദീയാന് സദാപരാധാന് വിവിധസ്വരൂപാന് । ഭക്തിം മദീയാം സഫലാം കുരുഷ്വ സംപ്രാര്ഥയാമി മനസാ ഗണേശ ॥ 75 ॥

തതഃ പ്രസന്നേന ഗജാനനേന ദത്തം പ്രസാദം ശിരസാഭിവംദ്യ । സ്വമസ്തകേ തം പരിധാരയാമി ചിത്തേന വിഘ്നേശ്വരമാനതോഽസ്മി ॥ 76 ॥

ഉത്ഥായ വിഘ്നേശ്വര ഏവ തസ്മാ- -ദ്ഗതസ്തതസ്ത്വംതരധാനശക്ത്യാ । ശിവാദയസ്തം പ്രണിപത്യ സർവേ ഗതാഃ സുചിത്തേന ച ചിംതയാമി ॥ 77 ॥

സർവാന്നമസ്കൃത്യ തതോഽഹമേവ ഭജാമി ചിത്തേന ഗണാധിപം തമ് । സ്വസ്ഥാനമാഗത്യ മഹാനുഭാവൈ- -ര്ഭക്തൈര്ഗണേശസ്യ ച ഖേലയാമി ॥ 78 ॥

ഏവം ത്രികാലേഷു ഗണാധിപം തം ചിത്തേന നിത്യം പരിപൂജയാമി । തേനൈവ തുഷ്ടഃ പ്രദദാതു ഭാവം വിശ്വേശ്വരോ ഭക്തിമയം തു മഹ്യമ് ॥ 79 ॥

ഗണേശപാദോദകപാനകം ച ഹ്യുച്ഛിഷ്ടഗംധസ്യ സുലേപനം തു । നിര്മാല്യസംധാരണകം സുഭോജ്യം ലംബോദരസ്യാസ്തു ഹി ഭുക്തശേഷമ് ॥ 80 ॥

യം യം കരോമ്യേവ തദേവ ദീക്ഷാ ഗണേശ്വരസ്യാസ്തു സദാ ഗണേശ । പ്രസീദ നിത്യം തവ പാദഭക്തം കുരുഷ്വ മാം ബ്രഹ്മപതേ ദയാലോ ॥ 81 ॥

തതസ്തു ശയ്യാം പരികല്പയാമി മംദാരകാര്പാസകവസ്ത്രയുക്താമ് । സുവാസപുഷ്പാദിഭിരര്ചിതാം തേ ഗൃഹാണ നിദ്രാം കുരു വിഘ്നരാജ ॥ 82 ॥

സിദ്ധ്യാ ച ബുദ്ധ്യാ സഹിതം ഗണേശ സുനിദ്രിതം വീക്ഷ്യ തഥാഹമേവ । ഗത്വാ സ്വവാസം ച കരോമി നിദ്രാം ധ്യാത്വാ ഹൃദി ബ്രഹ്മപതിം തദീയഃ ॥ 83 ॥

ഏതാദൃശം സൌഖ്യമമോഘശക്തേ ദേഹി പ്രഭോ മാനസജം ഗണേശ । മഹ്യം ച തേനൈവ കൃതാര്ഥരൂപോ ഭവാമി ഭക്തിരസലാലസോഽഹമ് ॥ 84 ॥

ഗാര്ഗ്യ ഉവാച

ഏവം നിത്യം മഹാരാജ ഗൃത്സമദോ മഹായശാഃ । ചകാര മാനസീം പൂജാം യോഗീംദ്രാണാം ഗുരുഃ സ്വയമ് ॥ 85

യ ഏതാം മാനസീം പൂജാം കരിഷ്യതി നരോത്തമഃ । പഠിഷ്യതി സദാ സോഽപി ഗാണപത്യോ ഭവിഷ്യതി ॥ 86 ॥

ശ്രാവയിഷ്യതി യോ മര്ത്യഃ ശ്രോഷ്യതേ ഭാവസംയുതഃ । സ ക്രമേണ മഹീപാല ബ്രഹ്മഭൂതോ ഭവിഷ്യതി ॥ 87 ॥

യം യമിച്ഛതി തം തം വൈ സഫലം തസ്യ ജായതേ । അംതേ സ്വാനംദഗഃ സോഽപി യോഗിവംദ്യോ ഭവിഷ്യതി ॥ 88 ॥

ഇതി ശ്രീമദാംത്യേ മൌദ്ഗല്യേ ഗണേശമാനസപൂജാ സംപൂര്ണമ് ।

Browse Related Categories: