Samskritam Songs · Traditional devotional text · Source: vignanam.org (Traditional devotional text (public-domain shlokas))
mṛdapi cha chandanamasmin dēśē grāmō grāmaḥ siddhavanam । yatra cha bālā dēvīsvarūpā bālāḥ sarvē śrīrāmāḥ ॥
harimandiramidamakhilaśarīraṃ dhanaśaktī janasēvāyai yatra cha krīḍāyai vanarājaḥ dhēnurmātā paramaśivā nityaṃ prātaḥ śivaguṇagānaṃ dīpanutiḥ khalu śatruparā ॥ 1 ॥
bhāgyavidhāyi nijārjitakarma yatra śramaḥ śriyamarjayati tyāgadhanānāṃ tapōnidhīnāṃ gāthāṃ gāyati kavivāṇī gaṅgājalamiva nityanirmalaṃ jñānaṃ śaṃsati yativāṇī ॥ 2 ॥
yatra hi naiva svadēhavimōhaḥ yuddharatānāṃ vīrāṇāṃ yatra hi kṛṣakaḥ kāryarataḥ san paśyati jīvanasāphalyaṃ jīvanalakṣyaṃ na hi dhanapadavī yatra cha paraśivapadasēvā ॥ 3 ॥
rachana: śrī janārdana hēgḍē
Browse Related Categories:
Offered for worship and study, not as prediction. Non-commercial.
More devotional texts