నారాయణీయం దశక 79 - రుక్మిణీహరణం వివాహం చ

బలసమేతబలానుగతో భవాన్ పురమగాహత భీష్మకమానితః । ద్విజసుతం త్వదుపాగమవాదినం ధృతరసా తరసా ప్రణనామ సా ॥1॥

భువనకాంతమవేక్ష్య భవద్వపుర్నృపసుతస్య నిశమ్య చ చేష్టితమ్ । విపులఖేదజుషాం పురవాసినాం సరుదితైరుదితైరగమన్నిశా ॥2॥

తదను వందితుమిందుముఖీ శివాం విహితమంగలభూషణభాసురా । నిరగమత్ భవదర్పితజీవితా స్వపురతః పురతః సుభటావృతా ॥3॥

కులవధూభిరుపేత్య కుమారికా గిరిసుతాం పరిపూజ్య చ సాదరమ్ । ముహురయాచత తత్పదపంకజే నిపతితా పతితాం తవ కేవలమ్ ॥4॥

సమవలోకకుతూహలసంకులే నృపకులే నిభృతం త్వయి చ స్థితే । నృపసుతా నిరగాద్గిరిజాలయాత్ సురుచిరం రుచిరంజితదిఙ్ముఖా ॥5॥

భువనమోహనరూపరుచా తదా వివశితాఖిలరాజకదంబయా । త్వమపి దేవ కటాక్షవిమోక్షణైః ప్రమదయా మదయాంచకృషే మనాక్ ॥6॥

క్వను గమిష్యసి చంద్రముఖీతి తాం సరసమేత్య కరేణ హరన్ క్షణాత్ । సమధిరోప్య రథం త్వమపాహృథా భువి తతో వితతో నినదో ద్విషామ్ ॥7॥

క్వ ను గతః పశుపాల ఇతి క్రుధా కృతరణా యదుభిశ్చ జితా నృపాః । న తు భవానుదచాల్యత తైరహో పిశునకైః శునకైరివ కేసరీ ॥8॥