Vishnu · Traditional devotional text · Source: vignanam.org (Traditional devotional text (public-domain shlokas))
প্রাগেবাচার্যপুত্রাহৃতিনিশমনয়া স্বীযষট্সূনুবীক্ষাং কাংক্ষংত্য়া মাতুরুক্ত্য়া সুতলভুবি বলিং প্রাপ্য় তেনার্চিতস্ত্বম্ । ধাতুঃ শাপাদ্ধিরণ্য়ান্বিতকশিপুভবান্ শৌরিজান্ কংসভগ্না- নানীয়ৈনান্ প্রদর্শ্য় স্বপদমনযথাঃ পূর্বপুত্রান্ মরীচেঃ ॥1॥
শ্রুতদেব ইতি শ্রুতং দ্বিজেংদ্রং বহুলাশ্বং নৃপতিং চ ভক্তিপূর্ণম্ । যুগপত্ত্বমনুগ্রহীতুকামো মিথিলাং প্রাপিথং তাপসৈঃ সমেতঃ ॥2॥
গচ্ছন্ দ্বিমূর্তিরুভয়োর্য়ুগপন্নিকেত- মেকেন ভূরিবিভবৈর্বিহিতোপচারঃ । অন্য়েন তদ্দিনভৃতৈশ্চ ফলৌদনাদ্য়ৈ- স্তুল্য়ং প্রসেদিথ দদথ চ মুক্তিমাভ্য়াম্ ॥3॥
ভূয়োঽথ দ্বারবত্য়াং দ্বিজতনযমৃতিং তত্প্রলাপানপি ত্বম্ কো বা দৈবং নিরুংধ্য়াদিতি কিল কথযন্ বিশ্ববোঢাপ্যসোঢাঃ । জিষ্ণোর্গর্বং বিনেতুং ত্বয়ি মনুজধিয়া কুংঠিতাং চাস্য় বুদ্ধিং তত্ত্বারূঢাং বিধাতুং পরমতমপদপ্রেক্ষণেনেতি মন্য়ে ॥4॥
নষ্টা অষ্টাস্য় পুত্রাঃ পুনরপি তব তূপেক্ষয়া কষ্টবাদঃ স্পষ্টো জাতো জনানামথ তদবসরে দ্বারকামাপ পার্থঃ । মৈত্র্য়া তত্রোষিতোঽসৌ নবমসুতমৃতৌ বিপ্রবর্যপ্ররোদং শ্রুত্বা চক্রে প্রতিজ্ঞামনুপহৃতসুতঃ সন্নিবেক্ষ্য়ে কৃশানুম্ ॥5॥
মানী স ত্বামপৃষ্ট্বা দ্বিজনিলযগতো বাণজালৈর্মহাস্ত্রৈ রুংধানঃ সূতিগেহং পুনরপি সহসা দৃষ্টনষ্টে কুমারে । যাম্য়ামৈংদ্রীং তথাঽন্য়াঃ সুরবরনগরীর্বিদ্যয়াঽঽসাদ্য় সদ্য়ো মোঘোদ্য়োগঃ পতিষ্যন্ হুতভুজি ভবতা সস্মিতং বারিতোঽভূত্ ॥6॥
সার্ধং তেন প্রতীচীং দিশমতিজবিনা স্য়ংদনেনাভিয়াতো লোকালোকং ব্যতীতস্তিমিরভরমথো চক্রধাম্না নিরুংধন্ । চক্রাংশুক্লিষ্টদৃষ্টিং স্থিতমথ বিজয়ং পশ্য় পশ্য়েতি বারাং পারে ত্বং প্রাদদর্শঃ কিমপি হি তমসাং দূরদূরং পদং তে ॥7॥
Offered for worship and study, not as prediction. Non-commercial.
More devotional texts
তত্রাসীনং ভুজংগাধিপশযনতলে দিব্যভূষায়ুধাদ্য়ৈ- রাবীতং পীতচেলং প্রতিনবজলদশ্য়ামলং শ্রীমদংগম্ । মূর্তীনামীশিতারং পরমিহ তিসৃণামেকমর্থং শ্রুতীনাং ত্বামেব ত্বং পরাত্মন্ প্রিযসখসহিতো নেমিথ ক্ষেমরূপম্ ॥8॥
যুবাং মামেব দ্বাবধিকবিবৃতাংতর্হিততয়া বিভিন্নৌ সংদ্রষ্টুং স্বযমহমহার্ষং দ্বিজসুতান্ । নয়েতং দ্রাগেতানিতি খলু বিতীর্ণান্ পুনরমূন্ দ্বিজায়াদায়াদাঃ প্রণুতমহিমা পাংডুজনুষা ॥9॥
এবং নানাবিহারৈর্জগদভিরমযন্ বৃষ্ণিবংশং প্রপুষ্ণ- ন্নীজানো যজ্ঞভেদৈরতুলবিহৃতিভিঃ প্রীণযন্নেণনেত্রাঃ । ভূভারক্ষেপদংভাত্ পদকমলজুষাং মোক্ষণায়াবতীর্ণঃ পূর্ণং ব্রহ্মৈব সাক্ষাদ্যদুষু মনুজতারূষিতস্ত্বং ব্যলাসীঃ ॥10॥
প্রায়েণ দ্বারবত্য়ামবৃতদয়ি তদা নারদস্ত্বদ্রসার্দ্র- স্তস্মাল্লেভে কদাচিত্খলু সুকৃতনিধিস্ত্বত্পিতা তত্ত্ববোধম্ । ভক্তানামগ্রয়ায়ী স চ খলু মতিমানুদ্ধবস্ত্বত্ত এব প্রাপ্তো বিজ্ঞানসারং স কিল জনহিতায়াধুনাঽঽস্তে বদর্য়াম্ ॥11॥
সোঽয়ং কৃষ্ণাবতারো জযতি তব বিভো যত্র সৌহার্দভীতি- স্নেহদ্বেষানুরাগপ্রভৃতিভিরতুলৈরশ্রমৈর্য়োগভেদৈঃ । আর্তিং তীর্ত্বা সমস্তামমৃতপদমগুস্সর্বতঃ সর্বলোকাঃ স ত্বং বিশ্বার্তিশাংত্য়ৈ পবনপুরপতে ভক্তিপূর্ত্য়ৈ চ ভূয়াঃ ॥12॥
Browse Related Categories: