నిత్య పారాయణ శ్లోకాః

అహం-వైఀశ్వానరో భూత్వా ప్రాణినాం దేహమాశ్రితః । ప్రాణాపాన సమాయుక్తః పచామ్యన్నం చతుర్విధమ్ ॥

అన్నపూర్ణే సదా పూర్ణే శంకరప్రాణవల్లభే । జ్ఞానవైరాగ్య సిద్ధ్యర్థం భిక్షాం దేహి చ పార్వతి ॥

త్వదీయం-వఀస్తు గోవింద తుభ్యమేవ సమర్పయే । గృహాణ సుముఖో భూత్వా ప్రసీద పరమేశ్వర ॥

bhōjanānantara ślōkaḥ

అగస్త్యం-వైఀనతేయం చ శమీం చ బడబాలనమ్ । ఆహార పరిణామార్థం స్మరామి చ వృకోదరమ్ ॥

sandhyā dīpa dar​śana ślōkaḥ

దీపజ్యోతిః పరం బ్రహ్మ దీపజ్యోతిర్జనార్దనః । దీపో హరతు మే పాపం దీపజ్యోతిర్నమోఽస్తుతే ॥

శుభం కరోతి కళ్యాణం ఆరోగ్యం ధనసంపదః । శత్రు-బుద్ధి-వినాశాయ దీపజ్యోతిర్నమోఽస్తుతే ॥

nidrā/śayana ślōkaḥ

రామం స్కందం హనుమంతం-వైఀనతేయం-వృఀకోదరమ్ । శయనే యః స్మరేన్నిత్యం దుస్వప్న-స్తస్యనశ్యతి ॥

aparādha kṣamāpaṇa stōtraṃ

అపరాధ సహస్రాణి, క్రియంతేఽహర్నిశం మయా । దాసోఽయమితి మాం మత్వా, క్షమస్వ పరమేశ్వర ॥

కరచరణ కృతం-వాఀ కర్మ వాక్కాయజం-వాఀ శ్రవణ నయనజం-వాఀ మానసం-వాఀపరాధమ్ । విహిత మవిహితం-వాఀ సర్వమేతత్ క్షమస్వ శివ శివ కరుణాబ్ధే శ్రీ మహాదేవ శంభో ॥

కాయేన వాచా మనసేంద్రియైర్వా బుద్ధ్యాత్మనా వా ప్రకృతేః స్వభావాత్ । కరోమి యద్యత్సకలం పరస్మై నారాయణాయేతి సమర్పయామి ॥

kārya prārambha stōtrāḥ

శుక్లాం బరధరం-విఀష్ణుం శశివర్ణం చతుర్భుజమ్ । ప్రసన్నవదనం ధ్యాయేత్ సర్వ విఘ్నోపశాంతయే ॥

యస్యద్విరద వక్త్రాద్యాః పారిషద్యాః పరశ్శతమ్ । విఘ్నం నిఘ్నంతు సతతం-విఀష్వక్సేనం తమాశ్రయే ॥

gaṇēśa stōtraṃ

వక్రతుండ మహాకాయ సూర్యకోటి సమప్రభః । నిర్విఘ్నం కురు మే దేవ సర్వ కార్యేషు సర్వదా ॥

అగజానన పద్మార్కం గజానన మహర్నిశమ్ । అనేకదం-తం భక్తానాం-ఏకదంత-ముపాస్మహే ॥

viṣṇu stōtraṃ

శాంతాకారం భుజగశయనం పద్మనాభం సురేశం విశ్వాధారం గగన సదృశం మేఘవర్ణం శుభాంగమ్ । లక్ష్మీకాంతం కమలనయనం-యోఀగిహృద్ధ్యానగమ్యం వందే విష్ణుం భవభయహరం సర్వలోకైకనాథమ్ ॥

gāyatri mantraṃ

ఓం భూర్భువ॒స్సువః॒ । తథ్స॑వి॒తుర్వరే᳚ణ్యం॒ । భర్గో॑ దే॒వస్య॑ ధీమహి । ధియో॒ యో నః॑ ప్రచోదయా᳚త్ ॥

śiva stōtraṃ

త్ర్యం॑బకం-యఀజామహే సుగం॒ధిం పు॑ష్టి॒వర్ధ॑నమ్ । ఉ॒ర్వా॒రు॒కమి॑వ॒ బంధ॑నాన్-మృత్యో॑ర్-ముక్షీయ॒ మాఽమృతా᳚త్ ॥

వందే శంభుముమాపతిం సురగురుం-వంఀదే జగత్కారణం వందే పన్నగభూషణం శశిధరం-వంఀదే పశూనాం పతిం‌ । వందే సూర్యశశాంక వహ్నినయనం-వంఀదే ముకుందప్రియం వందే భక్తజనాశ్రయం చ వరదం-వంఀదే శివం శంకరం‌ ॥

subrahmaṇya stōtraṃ

శక్తిహస్తం-విఀరూపాక్షం శిఖివాహం షడాననం దారుణం రిపురోగఘ్నం భావయే కుక్కుట ధ్వజమ్ । స్కందం షణ్ముఖం దేవం శివతేజం చతుర్భుజం కుమారం స్వామినాధం తం కార్తికేయం నమామ్యహమ్ ॥

guru ślōkaḥ

గురుర్బ్రహ్మ గురుర్విష్ణుః గురుర్దేవో మహేశ్వరః । గురుః సాక్షాత్ పరబ్రహ్మ తస్మై శ్రీ గురవే నమః ॥

hanuma stōtrāḥ

మనోజవం మారుత తుల్యవేగం జితేంద్రియం బుద్ధిమతాం-వఀరిష్టమ్ । వాతాత్మజం-వాఀనరయూధ ముఖ్యం శ్రీరామదూతం శిరసా నమామి ॥

బుద్ధిర్బలం-యఀశోధైర్యం నిర్భయత్వమరోగతా । అజాడ్యం-వాఀక్పటుత్వం చ హనుమస్స్మరణాద్-భవేత్ ॥

జయత్యతి బలో రామో లక్ష్మణస్య మహాబలః । రాజా జయతి సుగ్రీవో రాఘవేణాభి పాలితః ॥

దాసోఽహం కోసలేంద్రస్య రామస్యాక్లిష్ట కర్మణః । హనుమాన్ శత్రుసైన్యానాం నిహంతా మారుతాత్మజః ॥

śrīrāma stōtrāṃ

శ్రీ రామ రామ రామేతి రమే రామే మనోరమే సహస్రనామ తత్తుల్యం రామ నామ వరాననే

శ్రీ రామచంద్రః శ్రితపారిజాతః సమస్త కళ్యాణ గుణాభిరామః । సీతాముఖాంభోరుహా-చంచరీకో నిరంతరం మంగళమాతనోతు ॥

śrīkṛṣṇa stōtraṃ

మందారమూలే మదనాభిరామం బింబాధరాపూరిత వేణునాదమ్ । గోగోప గోపీజన మధ్యసంస్థం గోపం భజే గోకుల పూర్ణచంద్రమ్ ॥

garuḍa svāmi stōtraṃ

కుంకుమాంకితవర్ణాయ కుందేందు ధవళాయ చ । విష్ణు వాహ నమస్తుభ్యం పక్షిరాజాయ తే నమః ॥

dakṣiṇāmūrti stōtraṃ

గురవే సర్వలోకానాం భిషజే భవరోగిణామ్ । నిధయే సర్వ విద్యానాం శ్రీ దక్షిణామూర్తయే నమ ॥

sarasvatī ślōkaḥ

సరస్వతీ నమస్తుభ్యం-వఀరదే కామరూపిణీ । విద్యారంభం కరిష్యామి సిద్ధిర్భవతు మే సదా ॥

యా కుందేందు తుషార హార ధవళా, యా శుభ్ర వస్త్రావృతా [వస్త్రాన్వితా] । యా వీణా వరదండ మండిత కరా, యా శ్వేత పద్మాసనా । యా బ్రహ్మాచ్యుత శంకర ప్రభృతిభిర్-దేవైః సదా పూజితా । సా మాం పాతు సరస్వతీ భగవతీ నిశ్శేషజాడ్యాపహా ॥

lakṣmī ślōkaḥ

లక్ష్మీం క్షీరసముద్ర రాజ తనయాం శ్రీరంగ ధామేశ్వరీమ్ । దాసీభూత సమస్త దేవ వనితాం-లోఀకైక దీపాంకురామ్ । శ్రీమన్మంధ కటాక్ష లబ్ధ విభవ బ్రహ్మేంద్ర గంగాధరామ్ । త్వాం త్రైలోక్యకుటుంబినీం సరసిజాం-వంఀదే ముకుందప్రియామ్ ॥

durgā dēvī stōtraṃ

సర్వ స్వరూపే సర్వేశే సర్వ శక్తి సమన్వితే । భయేభ్యస్త్రాహి నో దేవి దుర్గేదేవి నమోస్తుతే ॥

tripurasundarī stōtraṃ

ఓంకార పంజర శుకీం ఉపనిషదుద్యాన కేళి కలకంఠీమ్ । ఆగమ విపిన మయూరీం ఆర్యాం అంతర్విభావయేద్గౌరీమ్ ॥

dēvī ślōkaḥ

సర్వ మంగల మాంగల్యే శివే సర్వార్థ సాధికే । శరణ్యే త్ర్యంబకే దేవి నారాయణి నమోస్తుతే ॥

vēṅkaṭēśvara ślōkaḥ

శ్రియః కాంతాయ కళ్యాణనిధయే నిధయేఽర్థినామ్ । శ్రీ వేంకట నివాసాయ శ్రీనివాసాయ మంగళమ్ ॥

bauddha prārthana

బుద్ధం శరణం గచ్ఛామి ధర్మం శరణం గచ్ఛామి సంఘం శరణం గచ్ఛామి

śānti mantraṃ

అసతోమా సద్గమయా । తమసోమా జ్యోతిర్గమయా । మృత్యోర్మా అమృతంగమయా । ఓం శాంతిః శాంతిః శాంతిః

సర్వే భవంతు సుఖినః సర్వే సంతు నిరామయాః । సర్వే భద్రాణి పశ్యంతు మా కశ్చిద్దుఃఖ భాగ్భవేత్ ॥ ఓం శాంతిః శాంతిః శాంతిః

ఓం సర్వేషాం స్వస్తిర్భవతు, సర్వేషాం శాంతిర్భవతు । సర్వేషాం పూర్ణం భవతు, సర్వేషాం మంగళం భవతు । ఓం శాంతిః శాంతిః శాంతిః

ఓం స॒హ నా॑వవతు । స॒హ నౌ॑ భునక్తు । స॒హ వీ॒ర్యం॑ కరవావహై । తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ । ఓం శాంతిః॒ శాంతిః॒ శాంతిః॑ ॥

svasti mantrāḥ

స్వస్తి ప్రజాభ్యః పరిపాలయంతాం న్యాయేన మార్గేణ మహీం మహీశాః । గోబ్రాహ్మణేభ్య-శ్శుభమస్తు నిత్యం లోకా-స్సమస్తా-స్సుఖినో భవంతు ॥

కాలే వర్​షతు పర్జన్యః పృథివీ సస్యశాలినీ । దేశోయం క్షోభరహితో బ్రాహ్మణాస్సంతు నిర్భయాః ॥

viśēṣa mantrāḥ

పంచాక్షరీ మంత్రం - ఓం నమశ్శివాయ అష్టాక్షరీ మంత్రం - ఓం నమో నారాయణాయ ద్వాదశాక్షరీ మంత్రం - ఓం నమో భగవతే వాసుదేవాయ