Shiva · Traditional devotional text · Source: vignanam.org (Traditional devotional text (public-domain shlokas))
শ্রী শিব উবাচ
শৃণু দেবি মহাগুহ্য়ং পরং পুণ্যবিবর্ধনং . শরভেশাষ্টকং মংত্রং বক্ষ্য়ামি তব তত্ত্বতঃ ॥
ঋষিন্য়াসাদিকং যত্তত্সর্বপূর্ববদাচরেত্ . ধ্য়ানভেদং বিশেষেণ বক্ষ্য়াম্যহমতঃ শিবে ॥
ধ্য়ানং
জ্বলনকুটিলকেশং সূর্যচংদ্রাগ্নিনেত্রং নিশিততরনখাগ্রোদ্ধূতহেমাভদেহম্ । শরভমথ মুনীংদ্রৈঃ সেব্যমানং সিতাংগং প্রণতভযবিনাশং ভাবয়েত্পক্ষিরাজম্ ॥
অথ স্তোত্রং
দেবাদিদেবায় জগন্ময়ায় শিবায় নালীকনিভাননায় । শর্বায় ভীমায় শরাধিপায় নমোঽস্তু তুভ্য়ং শরভেশ্বরায় ॥ 1 ॥
হরায় ভীমায় হরিপ্রিয়ায় ভবায় শাংতায় পরাত্পরায় । মৃডায় রুদ্রায় বিলোচনায় নমোঽস্তু তুভ্য়ং শরভেশ্বরায় ॥ 2 ॥
শীতাংশুচূডায় দিগংবরায় সৃষ্টিস্থিতিধ্বংসনকারণায় । জটাকলাপায় জিতেংদ্রিয়ায় নমোঽস্তু তুভ্য়ং শরভেশ্বরায় ॥ 3 ॥
Offered for worship and study, not as prediction. Non-commercial.
কলংককংঠায় ভবাংতকায় কপালশূলাত্তকরাংবুজায় । ভুজংগভূষায় পুরাংতকায় নমোঽস্তু তুভ্য়ং শরভেশ্বরায় ॥ 4 ॥
শমাদিষট্কায় যমাংতকায় যমাদিয়োগাষ্টকসিদ্ধিদায় । উমাধিনাথায় পুরাতনায় নমোঽস্তু তুভ্য়ং শরভেশ্বরায় ॥ 5 ॥
ঘৃণাদিপাশাষ্টকবর্জিতায় খিলীকৃতাস্মত্পথি পূর্বগায় । গুণাদিহীনায় গুণত্রয়ায় নমোঽস্তু তুভ্য়ং শরভেশ্বরায় ॥ 6 ॥
কালায় বেদামৃতকংদলায় কল্য়াণকৌতূহলকারণায় । স্থূলায় সূক্ষ্মায় স্বরূপগায় নমোঽস্তু তুভ্য়ং শরভেশ্বরায় ॥ 7 ॥
পংচাননায়ানিলভাস্করায় পংচাশদর্ণাদ্যপরাক্ষয়ায় । পংচাক্ষরেশায় জগদ্ধিতায় নমোঽস্তু তুভ্য়ং শরভেশ্বরায় ॥ 8 ॥
ইতি শ্রী শরভেশাষ্টকম্ ॥
Browse Related Categories: