Shiva · Traditional devotional text · Source: vignanam.org (Traditional devotional text (public-domain shlokas))
ōṃ namaḥ śivāya śivāya namaḥ ōṃ ōṃ namaḥ śivāya śivāya namaḥ ōṃ
nāgēndrahārāya trilōchanāya bhasmāṅgarāgāya mahēśvarāya । nityāya śuddhāya digambarāya tasmai "na" kārāya namaḥ śivāya ॥ 1 ॥
mandākinī salila chandana charchitāya nandīśvara pramathanātha mahēśvarāya । mandāra mukhya bahupuṣpa supūjitāya tasmai "ma" kārāya namaḥ śivāya ॥ 2 ॥
śivāya gaurī vadanābja bṛnda sūryāya dakṣādhvara nāśakāya । śrī nīlakaṇṭhāya vṛṣabhadhvajāya tasmai "śi" kārāya namaḥ śivāya ॥ 3 ॥
vaśiṣṭha kumbhōdbhava gautamārya munīndra dēvārchita śēkharāya । chandrārka vaiśvānara lōchanāya tasmai "va" kārāya namaḥ śivāya ॥ 4 ॥
yajña-svarūpāya jaṭādharāya [yakṣa-] pināka hastāya sanātanāya । divyāya dēvāya digambarāya tasmai "ya" kārāya namaḥ śivāya ॥ 5 ॥
pañchākṣaramidaṃ puṇyaṃ yaḥ paṭhēchChiva sannidhau । śivalōkamavāpnōti śivēna saha mōdatē ॥
Browse Related Categories:
Offered for worship and study, not as prediction. Non-commercial.