శ్రీ హరి స్తోత్రం (జగజ్జాలపాలం)

ജഗജ്ജാലപാലം കനത്കംഠമാലം ശരച്ചംദ്രഫാലം മഹാദൈത്യകാലമ് । നഭോനീലകായം ദുരാവാരമായം സുപദ്മാസഹായം ഭജേഽഹം ഭജേഽഹമ് ॥ 1 ॥

സദാംഭോധിവാസം ഗലത്പുഷ്പഹാസം ജഗത്സന്നിവാസം ശതാദിത്യഭാസമ് । ഗദാചക്രശസ്ത്രം ലസത്പീതവസ്ത്രം ഹസച്ചാരുവക്ത്രം ഭജേഽഹം ഭജേഽഹമ് ॥ 2 ॥

രമാകംഠഹാരം ശ്രുതിവ്രാതസാരം ജലാംതർവിഹാരം ധരാഭാരഹാരമ് । ചിദാനംദരൂപം മനോജ്ഞസ്വരൂപം ധൃതാനേകരൂപം ഭജേഽഹം ഭജേഽഹമ് ॥ 3 ॥

ജരാജന്മഹീനം പരാനംദപീനം സമാധാനലീനം സദൈവാനവീനമ് । ജഗജ്ജന്മഹേതും സുരാനീകകേതും ത്രിലോകൈകസേതും ഭജേഽഹം ഭജേഽഹമ് ॥ 4 ॥

കൃതാമ്നായഗാനം ഖഗാധീശയാനം വിമുക്തേര്നിദാനം ഹരാരാതിമാനമ് । സ്വഭക്താനുകൂലം ജഗദ്വൃക്ഷമൂലം നിരസ്താര്തശൂലം ഭജേഽഹം ഭജേഽഹമ് ॥ 5 ॥

സമസ്താമരേശം ദ്വിരേഫാഭകേശം ജഗദ്ബിംബലേശം ഹൃദാകാശവേശമ് । സദാ ദിവ്യദേഹം വിമുക്താഖിലേഹം സുവൈകുംഠഗേഹം ഭജേഽഹം ഭജേഽഹമ് ॥ 6 ॥

സുരാലീബലിഷ്ഠം ത്രിലോകീവരിഷ്ഠം ഗുരൂണാം ഗരിഷ്ഠം സ്വരൂപൈകനിഷ്ഠമ് । സദാ യുദ്ധധീരം മഹാവീരവീരം ഭവാംഭോധിതീരം ഭജേഽഹം ഭജേഽഹമ് ॥ 7 ॥

രമാവാമഭാഗം തലാലഗ്നനാഗം കൃതാധീനയാഗം ഗതാരാഗരാഗമ് । മുനീംദ്രൈസ്സുഗീതം സുരൈസ്സംപരീതം ഗുണൌഘൈരതീതം ഭജേഽഹം ഭജേഽഹമ് ॥ 8 ॥