శ్రీ షణ్ముఖ షట్కం

ഗിരിതനയാസുത ഗാംഗപയോദിത ഗംധസുവാസിത ബാലതനോ ഗുണഗണഭൂഷണ കോമലഭാഷണ ക്രൌംചവിദാരണ കുംദതനോ । ഗജമുഖസോദര ദുര്ജയദാനവസംഘവിനാശക ദിവ്യതനോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 1 ॥

പ്രതിഗിരിസംസ്ഥിത ഭക്തഹൃദിസ്ഥിത പുത്രധനപ്രദ രമ്യതനോ ഭവഭയമോചക ഭാഗ്യവിധായക ഭൂസുതവാര സുപൂജ്യതനോ । ബഹുഭുജശോഭിത ബംധവിമോചക ബോധഫലപ്രദ ബോധതനോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 2 ॥

ശമധനമാനിത മൌനിഹൃദാലയ മോക്ഷകൃദാലയ മുഗ്ധതനോ ശതമഖപാലക ശംകരതോഷക ശംഖസുവാദക ശക്തിതനോ । ദശശതമന്മഥ സന്നിഭസുംദര കുംഡലമംഡിത കര്ണവിഭോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 3 ॥

ഗുഹ തരുണാരുണചേലപരിഷ്കൃത താരകമാരക മാരതനോ ജലനിധിതീരസുശോഭിവരാലയ ശംകരസന്നുത ദേവഗുരോ । വിഹിതമഹാധ്വരസാമനിമംത്രിത സൌമ്യഹൃദംതര സോമതനോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 4 ॥

ലവലികയാ സഹ കേലികലാപര ദേവസുതാര്പിത മാല്യതനോ ഗുരുപദസംസ്ഥിത ശംകരദര്ശിത തത്ത്വമയപ്രണവാര്ഥവിഭോ । വിധിഹരിപൂജിത ബ്രഹ്മസുതാര്പിത ഭാഗ്യസുപൂരക യോഗിതനോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 5 ॥

കലിജനപാലന കംജസുലോചന കുക്കുടകേതന കേലിതനോ കൃതബലിപാലന ബര്ഹിണവാഹന ഫാലവിലോചനശംഭുതനോ । ശരവണസംഭവ ശത്രുനിബര്ഹണ ചംദ്രസമാനന ശര്മതനോ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 6 ॥

സുഖദമനംതപദാന്വിത രാമസുദീക്ഷിത സത്കവിപദ്യമിദം ശരവണ സംഭവ തോഷദമിഷ്ടദമഷ്ടസുസിദ്ധിദമാര്തിഹരമ് । പഠതി ശൃണോതി ച ഭക്തിയുതോ യദി ഭാഗ്യസമൃദ്ധിമഥോ ലഭതേ ജയ ജയ ഹേ ഗുഹ ഷണ്മുഖ സുംദര ദേഹി രതിം തവ പാദയുഗേ ॥ 7 ॥