Samskritam Songs · Traditional devotional text · Source: vignanam.org (Traditional devotional text (public-domain shlokas))
vandē bhāratamātaraṃ vada, bhārata ! vandē mātaraṃ vandē mātaraṃ, vandē mātaraṃ, vandē mātaram ॥
janmabhūriyaṃ vīravarāṇāṃ tyāgadhanānāṃ dhīrāṇāṃ mātṛbhūmayē lōkahitāya cha nityasamarpitachittānām । jitakōpānāṃ kṛtakṛtyānāṃ vittaṃ tṛṇavad dṛṣṭavatāṃ mātṛsēvanādātmajīvanē sārthakatāmānītavatām ॥ 1 ॥
grāmē grāmē karmadēśikāstattvavēdinō dharmaratāḥ । arthasañchayastyāgahētukō dharmasammataḥ kāma iha । naśvarabuddhiḥ kṣaṇaparivartini kāyē, ātmanyādaradhīḥ jātō yatra hi svasya janmanā dhanyaṃ manyata ātmānam ॥ 2 ॥
mātastvattō vittaṃ chittaṃ svatvaṃ pratibhā dēhabalaṃ nāhaṃ kartā, kārayasi tvaṃ, niḥspṛhatā mama karmaphalē । arpitamētajjīvanapuṣpaṃ mātastava śubhapādapalē nānyō mantrō nānyachintanaṃ nānyaddēśahitāddhi ṝtē ॥ 3 ॥
rachana: śrī janārdana hēgḍē
Browse Related Categories:
Offered for worship and study, not as prediction. Non-commercial.
More devotional texts