Karma Siddhanta · Traditional devotional text · Source: vignanam.org (Traditional devotional text (public-domain shlokas))
ജനക ഉവാച
അകിംചനഭവം സ്വാസ്ഥ്യം കൌപീനത്വേഽപി ദുര്ലഭമ് । ത്യാഗാദാനേ വിഹായാസ്മാദഹമാസേ യഥാസുഖമ് ॥ 13-1
കുത്രാപി ഖേദഃ കായസ്യ ജിഹ്വാ കുത്രാപി ഖിദ്യതേ । മനഃ കുത്രാപി തത്ത്യക്ത്വാ പുരുഷാര്ഥേ സ്ഥിതഃ സുഖമ് ॥ 13-2॥
കൃതം കിമപി നൈവ സ്യാദ് ഇതി സംചിംത്യ തത്ത്വതഃ । യദാ യത്കര്തുമായാതി തത് കൃത്വാസേ യഥാസുഖമ് ॥ 13-3॥
കര്മനൈഷ്കര്മ്യനിര്ബംധഭാവാ ദേഹസ്ഥയോഗിനഃ । സംയോഗായോഗവിരഹാദഹമാസേ യഥാസുഖമ് ॥ 13-4॥
അര്ഥാനര്ഥൌ ന മേ സ്ഥിത്യാ ഗത്യാ ന ശയനേന വാ । തിഷ്ഠന് ഗച്ഛന് സ്വപന് തസ്മാദഹമാസേ യഥാസുഖമ് ॥ 13-5॥
സ്വപതോ നാസ്തി മേ ഹാനിഃ സിദ്ധിര്യത്നവതോ ന വാ । നാശോല്ലാസൌ വിഹായാസ്മാദഹമാസേ യഥാസുഖമ് ॥ 13-6॥
സുഖാദിരൂപാ നിയമം ഭാവേഷ്വാലോക്യ ഭൂരിശഃ । ശുഭാശുഭേ വിഹായാസ്മാദഹമാസേ യഥാസുഖമ് ॥ 13-7॥
Browse Related Categories:
Offered for worship and study, not as prediction. Non-commercial.
More devotional texts