Vishnu · Traditional devotional text · Source: vignanam.org (Traditional devotional text (public-domain shlokas))
প্রাচেতসস্তু ভগবন্নপরো হি দক্ষ- স্ত্বত্সেবনং ব্যধিত সর্গবিবৃদ্ধিকামঃ । আবির্বভূবিথ তদা লসদষ্টবাহু- স্তস্মৈ বরং দদিথ তাং চ বধূমসিক্নীম্ ॥1॥
তস্য়াত্মজাস্ত্বয়ুতমীশ পুনস্সহস্রং শ্রীনারদস্য় বচসা তব মার্গমাপুঃ । নৈকত্রবাসমৃষয়ে স মুমোচ শাপং ভক্তোত্তমস্ত্বৃষিরনুগ্রহমেব মেনে ॥2॥
Offered for worship and study, not as prediction. Non-commercial.
More devotional texts
ষষ্ট্য়া ততো দুহিতৃভিঃ সৃজতঃ কুলৌঘান্ দৌহিত্রসূনুরথ তস্য় স বিশ্বরূপঃ । ত্বত্স্তোত্রবর্মিতমজাপযদিংদ্রমাজৌ দেব ত্বদীযমহিমা খলু সর্বজৈত্রঃ ॥3॥
প্রাক্শূরসেনবিষয়ে কিল চিত্রকেতুঃ পুত্রাগ্রহী নৃপতিরংগিরসঃ প্রভাবাত্ । লব্ধ্বৈকপুত্রমথ তত্র হতে সপত্নী- সংঘৈরমুহ্যদবশস্তব মাযয়াসৌ ॥4॥
তং নারদস্তু সমমংগিরসা দয়ালুঃ সংপ্রাপ্য় তাবদুপদর্শ্য় সুতস্য় জীবম্ । কস্য়াস্মি পুত্র ইতি তস্য় গিরা বিমোহং ত্যক্ত্বা ত্বদর্চনবিধৌ নৃপতিং ন্যয়ুংক্ত ॥5॥
স্তোত্রং চ মংত্রমপি নারদতোঽথ লব্ধ্বা তোষায় শেষবপুষো ননু তে তপস্যন্ । বিদ্য়াধরাধিপতিতাং স হি সপ্তরাত্রে লব্ধ্বাপ্যকুংঠমতিরন্বভজদ্ভবংতম্ ॥6॥
তস্মৈ মৃণালধবলেন সহস্রশীর্ষ্ণা রূপেণ বদ্ধনুতিসিদ্ধগণাবৃতেন । প্রাদুর্ভবন্নচিরতো নুতিভিঃ প্রসন্নো দত্বাঽঽত্মতত্ত্বমনুগৃহ্য় তিরোদধাথ ॥7॥
ত্বদ্ভক্তমৌলিরথ সোঽপি চ লক্ষলক্ষং বর্ষাণি হর্ষুলমনা ভুবনেষু কামম্ । সংগাপযন্ গুণগণং তব সুংদরীভিঃ সংগাতিরেকরহিতো ললিতং চচার ॥8॥
অত্য়ংতসংগবিলয়ায় ভবত্প্রণুন্নো নূনং স রূপ্যগিরিমাপ্য় মহত্সমাজে । নিশ্শংকমংককৃতবল্লভমংগজারিং তং শংকরং পরিহসন্নুময়াভিশেপে ॥9॥
নিস্সংভ্রমস্ত্বযময়াচিতশাপমোক্ষো বৃত্রাসুরত্বমুপগম্য় সুরেংদ্রয়োধী । ভক্ত্য়াত্মতত্ত্বকথনৈঃ সমরে বিচিত্রং শত্রোরপি ভ্রমমপাস্য় গতঃ পদং তে ॥10॥
ত্বত্সেবনেন দিতিরিংদ্রবধোদ্যতাঽপি তান্প্রত্য়ুতেংদ্রসুহৃদো মরুতোঽভিলেভে । দুষ্টাশয়েঽপি শুভদৈব ভবন্নিষেবা তত্তাদৃশস্ত্বমব মাং পবনালয়েশ ॥11॥
Browse Related Categories: