Vishnu · Traditional devotional text · Source: vignanam.org (Traditional devotional text (public-domain shlokas))
ālōkya śailōddharaṇādirūpaṃ prabhāvamuchchaistava gōpalōkāḥ । viśvēśvaraṃ tvāmabhimatya viśvē nandaṃ bhavajjātakamanvapṛchChan ॥1॥
gargōditō nirgaditō nijāya vargāya tātēna tava prabhāvaḥ । pūrvādhikastvayyanurāga ēṣāmaidhiṣṭa tāvat bahumānabhāraḥ ॥2॥
tatō'vamānōditatattvabōdhaḥ surādhirājaḥ saha divyagavyā। upētya tuṣṭāva sa naṣṭagarvaḥ spṛṣṭvā padābjaṃ maṇimaulinā tē ॥3॥
snēhasnutaistvāṃ surabhiḥ payōbhirgōvindanāmāṅkitamabhyaṣiñchat । airāvatōpāhṛtadivyagaṅgāpāthōbhirindrō'pi cha jātaharṣaḥ ॥4॥
jagattrayēśē tvayi gōkulēśē tathā'bhiṣiktē sati gōpavāṭaḥ । nākē'pi vaikuṇṭhapadē'pyalabhyāṃ śriyaṃ prapēdē bhavataḥ prabhāvāt ॥5॥
kadāchidantaryamunaṃ prabhātē snāyan pitā vāruṇapūruṣēṇa । nītastamānētumagāḥ purīṃ tvaṃ tāṃ vāruṇīṃ kāraṇamartyarūpaḥ ॥6॥
sasambhramaṃ tēna jalādhipēna prapūjitastvaṃ pratigṛhya tātam । upāgatastatkṣaṇamātmagēhaṃ pitā'vadattachcharitaṃ nijēbhyaḥ ॥7॥
hariṃ viniśchitya bhavantamētān bhavatpadālōkanabaddhatṛṣṇān ॥ nirīkṣya viṣṇō paramaṃ padaṃ taddurāpamanyaistvamadīdṛśastān ॥8॥
Offered for worship and study, not as prediction. Non-commercial.
More devotional texts
sphuratparānandarasapravāhaprapūrṇakaivalyamahāpayōdhau । chiraṃ nimagnāḥ khalu gōpasaṅghāstvayaiva bhūman punaruddhṛtāstē ॥9॥
karabadaravadēvaṃ dēva kutrāvatārē nijapadamanavāpyaṃ darśitaṃ bhaktibhājām । tadiha paśuparūpī tvaṃ hi sākṣāt parātmā pavanapuranivāsin pāhi māmāmayēbhyaḥ ॥10॥
Browse Related Categories: