নারাযণীয়ং দশক 64 - গোবিংদপট্টাভিষেকম্

ಆಲೋಕ್ಯ ಶೈಲೋದ್ಧರಣಾದಿರೂಪಂ ಪ್ರಭಾವಮುಚ್ಚೈಸ್ತವ ಗೋಪಲೋಕಾಃ । ವಿಶ್ವೇಶ್ವರಂ ತ್ವಾಮಭಿಮತ್ಯ ವಿಶ್ವೇ ನಂದಂ ಭವಜ್ಜಾತಕಮನ್ವಪೃಚ್ಛನ್ ॥1॥

ಗರ್ಗೋದಿತೋ ನಿರ್ಗದಿತೋ ನಿಜಾಯ ವರ್ಗಾಯ ತಾತೇನ ತವ ಪ್ರಭಾವಃ । ಪೂರ್ವಾಧಿಕಸ್ತ್ವಯ್ಯನುರಾಗ ಏಷಾಮೈಧಿಷ್ಟ ತಾವತ್ ಬಹುಮಾನಭಾರಃ ॥2॥

ತತೋಽವಮಾನೋದಿತತತ್ತ್ವಬೋಧಃ ಸುರಾಧಿರಾಜಃ ಸಹ ದಿವ್ಯಗವ್ಯಾ। ಉಪೇತ್ಯ ತುಷ್ಟಾವ ಸ ನಷ್ಟಗರ್ವಃ ಸ್ಪೃಷ್ಟ್ವಾ ಪದಾಬ್ಜಂ ಮಣಿಮೌಲಿನಾ ತೇ ॥3॥

ಸ್ನೇಹಸ್ನುತೈಸ್ತ್ವಾಂ ಸುರಭಿಃ ಪಯೋಭಿರ್ಗೋವಿಂದನಾಮಾಂಕಿತಮಭ್ಯಷಿಂಚತ್ । ಐರಾವತೋಪಾಹೃತದಿವ್ಯಗಂಗಾಪಾಥೋಭಿರಿಂದ್ರೋಽಪಿ ಚ ಜಾತಹರ್ಷಃ ॥4॥

ಜಗತ್ತ್ರಯೇಶೇ ತ್ವಯಿ ಗೋಕುಲೇಶೇ ತಥಾಽಭಿಷಿಕ್ತೇ ಸತಿ ಗೋಪವಾಟಃ । ನಾಕೇಽಪಿ ವೈಕುಂಠಪದೇಽಪ್ಯಲಭ್ಯಾಂ ಶ್ರಿಯಂ ಪ್ರಪೇದೇ ಭವತಃ ಪ್ರಭಾವಾತ್ ॥5॥

ಕದಾಚಿದಂತರ್ಯಮುನಂ ಪ್ರಭಾತೇ ಸ್ನಾಯನ್ ಪಿತಾ ವಾರುಣಪೂರುಷೇಣ । ನೀತಸ್ತಮಾನೇತುಮಗಾಃ ಪುರೀಂ ತ್ವಂ ತಾಂ ವಾರುಣೀಂ ಕಾರಣಮರ್ತ್ಯರೂಪಃ ॥6॥

ಸಸಂಭ್ರಮಂ ತೇನ ಜಲಾಧಿಪೇನ ಪ್ರಪೂಜಿತಸ್ತ್ವಂ ಪ್ರತಿಗೃಹ್ಯ ತಾತಮ್ । ಉಪಾಗತಸ್ತತ್ಕ್ಷಣಮಾತ್ಮಗೇಹಂ ಪಿತಾಽವದತ್ತಚ್ಚರಿತಂ ನಿಜೇಭ್ಯಃ ॥7॥

ಹರಿಂ ವಿನಿಶ್ಚಿತ್ಯ ಭವಂತಮೇತಾನ್ ಭವತ್ಪದಾಲೋಕನಬದ್ಧತೃಷ್ಣಾನ್ ॥ ನಿರೀಕ್ಷ್ಯ ವಿಷ್ಣೋ ಪರಮಂ ಪದಂ ತದ್ದುರಾಪಮನ್ಯೈಸ್ತ್ವಮದೀದೃಶಸ್ತಾನ್ ॥8॥