Chanakya Neethi · Traditional devotional text · Source: vignanam.org (Traditional devotional text (public-domain shlokas))
muktimichChasi chēttāta viṣayānviṣavattyaja । kṣamārjavadayāśauchaṃ satyaṃ pīyūṣavatpiba ॥ 01 ॥
parasparasya marmāṇi yē bhāṣantē narādhamāḥ । ta ēva vilayaṃ yānti valmīkōdarasarpavat ॥ 02 ॥
gandhaḥ suvarṇē phalamikṣudaṇḍē nākari puṣpaṃ khalu chandanasya । vidvāndhanāḍhyaścha nṛpaśchirāyuḥ dhātuḥ purā kō'pi na buddhidō'bhūt ॥ 03 ॥
sarvauṣadhīnāmamṛtā pradhānā sarvēṣu saukhyēṣvaśanaṃ pradhānam । sarvēndriyāṇāṃ nayanaṃ pradhānaṃ sarvēṣu gātrēṣu śiraḥ pradhānam ॥ 04 ॥
dūtō na sañcharati khē na chalēchcha vārtā pūrvaṃ na jalpitamidaṃ na cha saṅgamō'sti । vyōmni sthitaṃ raviśāśigrahaṇaṃ praśastaṃ jānāti yō dvijavaraḥ sa kathaṃ na vidvān ॥ 05 ॥
vidyārthī sēvakaḥ pānthaḥ kṣudhārtō bhayakātaraḥ । bhāṇḍārī pratihārī cha sapta suptānprabōdhayēt ॥ 06 ॥
ahiṃ nṛpaṃ cha śārdūlaṃ vṛddhaṃ cha bālakaṃ tathā । paraśvānaṃ cha mūrkhaṃ cha sapta suptānna bōdhayēt ॥ 07 ॥
ardhādhītāścha yairvēdāstathā śūdrānnabhōjanāḥ । tē dvijāḥ kiṃ kariṣyanti nirviṣā iva pannagāḥ ॥ 08 ॥
Offered for worship and study, not as prediction. Non-commercial.
More devotional texts
yasminruṣṭē bhayaṃ nāsti tuṣṭē naiva dhanāgamaḥ । nigrahō'nugrahō nāsti sa ruṣṭaḥ kiṃ kariṣyati ॥ 09 ॥
nirviṣēṇāpi sarpēṇa kartavyā mahatī phaṇā । viṣamastu na chāpyastu ghaṭāṭōpō bhayaṅkaraḥ ॥ 10 ॥
prātardyūtaprasaṅgēna madhyāhnē strīprasaṅgataḥ । rātrau chauraprasaṅgēna kālō gachChanti dhīmatām ॥ 11 ॥
svahastagrathitā mālā svahastaghṛṣṭachandanam । svahastalikhitaṃ stōtraṃ śakrasyāpi śriyaṃ harēt ॥ 12 ॥
ikṣudaṇḍāstilāḥ śūdrāḥ kāntā hēma cha mēdinī । chandanaṃ dadhi tāmbūlaṃ mardanaṃ guṇavardhanam ॥ 13 ॥
dahyamānāḥ sutīvrēṇa nīchāḥ parayaśō'gninā aśaktāstatpadaṃ gantuṃ tatō nindāṃ prakurvatē । daridratā dhīratayā virājatēkuvastratā śubhratayā virājatē kadannatā chōṣṇatayā virājatē kurūpatā śīlatayā virājatē ॥ 14 ॥
Browse Related Categories: