Chandrasekhara Ashtakam

ചംദ്രശേഖര ചംദ്രശേഖര ചംദ്രശേഖര പാഹിമാമ് । ചംദ്രശേഖര ചംദ്രശേഖര ചംദ്രശേഖര രക്ഷമാമ് ॥ (2)

രത്നസാനു ശരാസനം രജതാദ്രി ശൃംഗ നികേതനം ശിംജിനീകൃത പന്നഗേശ്വര മച്യുതാനല സായകമ് । ക്ഷിപ്രദഗ്ദ പുരത്രയം ത്രിദശാലയൈ-രഭിവംദിതം ചംദ്രശേഖരമാശ്രയേ മമ കിം കരിഷ്യതി വൈ യമഃ ॥ 1 ॥

പംചപാദപ പുഷ്പഗംധ പദാംബുജ ദ്വയശോഭിതം ഫാലലോചന ജാതപാവക ദഗ്ധ മന്മധ വിഗ്രഹമ് । ഭസ്മദിഗ്ധ കളേബരം ഭവനാശനം ഭവ മവ്യയം ചംദ്രശേഖര ചംദ്രശേഖര ചംദ്രശേഖര രക്ഷമാമ് ॥ 2 ॥

മത്തവാരണ മുഖ്യചര്മ കൃതോത്തരീയ മനോഹരം പംകജാസന പദ്മലോചന പൂജിതാംഘ്രി സരോരുഹമ് । ദേവ സിംധു തരംഗ ശ്രീകര സിക്ത ശുഭ്ര ജടാധരം ചംദ്രശേഖര ചംദ്രശേഖര ചംദ്രശേഖര പാഹിമാമ് ॥ 3 ॥

യക്ഷ രാജസഖം ഭഗാക്ഷ ഹരം ഭുജംഗ വിഭൂഷണമ് ശൈലരാജ സുതാ പരിഷ്കൃത ചാരുവാമ കളേബരമ് । ക്ഷേള നീലഗളം പരശ്വധ ധാരിണം മൃഗധാരിണമ് ചംദ്രശേഖര ചംദ്രശേഖര ചംദ്രശേഖര പാഹിമാമ് ॥ 4 ॥

കുംഡലീകൃത കുംഡലീശ്വര കുംഡലം വൃഷവാഹനം നാരദാദി മുനീശ്വര സ്തുതവൈഭവം ഭുവനേശ്വരമ് । അംധകാംതക മാശ്രിതാമര പാദപം ശമനാംതകം ചംദ്രശേഖര ചംദ്രശേഖര ചംദ്രശേഖര രക്ഷമാമ് ॥ 5 ॥

ഭേഷജം ഭവരോഗിണാ മഖിലാപദാ മപഹാരിണം ദക്ഷയജ്ഞ വിനാശനം ത്രിഗുണാത്മകം ത്രിവിലോചനമ് । ഭക്തി മുക്തി ഫലപ്രദം സകലാഘ സംഘ നിബര്ഹണം ചംദ്രശേഖര ചംദ്രശേഖര ചംദ്രശേഖര രക്ഷമാമ് ॥ 6 ॥

ഭക്തവത്സല-മര്ചിതം നിധിമക്ഷയം ഹരിദംബരം സർവഭൂത പതിം പരാത്പര-മപ്രമേയ മനുത്തമമ് । സോമവാരിന ഭൂഹുതാശന സോമ പാദ്യഖിലാകൃതിം ചംദ്രശേഖര ചംദ്രശേഖര ചംദ്രശേഖര പാഹിമാമ് ॥ 7 ॥