Ganesha · Traditional devotional text · Source: vignanam.org (Traditional devotional text (public-domain shlokas))
ദ്വിരദവദന വിഷമരദ വരദ ജയേശാന ശാംതവരസദന । സദനവസാദന ദയയാ കുരു സാദനമംതരായസ്യ ॥ 1 ॥
ഇംദുകലാ കലിതാലിക സാലികശുംഭത്കപോലപാലിയുഗ । വികടസ്ഫുടകടധാരാധാരോഽസ്യസ്യ പ്രപംചസ്യ ॥ 2 ॥
വരപരശുപാശപാണേ പണിതപണായാപണായിതോഽസി യതഃ । ആരൂഹ്യ വജ്രദംതം ആഖും വിദധാസി വിപദംതമ് ॥ 3 ॥
ലംബോദര ദൂർവാസന ശയധൃതസാമോദമോദകാശനക । ശനകൈരവലോകയ മാം യമാംതരായാപഹാരിചാരുദൃശാ ॥ 4 ॥
ആനംദതുംദിലാഖിലവൃംദാരകവൃംദവംദിതാംഘ്രിയുഗ । സുഖധൃതദംഡരസാലോ നാഗജഭാലോഽതിഭാസി വിഭോ ॥ 5 ॥
അഗണേയഗുണേശാത്മജ ചിംതകചിംതാമണേ ഗണേശാന । സ്വചരണശരണം കരുണാവരുണാലയ ദേവ പാഹി മാം ദീനമ് ॥ 6 ॥
രുചിരവചോഽമൃതരാവോന്നീതാ നീതാ ദിവം സ്തുതിഃ സ്ഫീതാ । ഇതി ഷട്പദീ മദീയാ ഗണപതിപാദാംബുജേ വിശതു ॥ 7 ॥
ഇതി ചിംതാമണിഷട്പദീ ॥
Browse Related Categories:
Offered for worship and study, not as prediction. Non-commercial.
More devotional texts