Ganesha · Traditional devotional text · Source: vignanam.org (Traditional devotional text (public-domain shlokas))
ద్విరదవదన విషమరద వరద జయేశాన శాంతవరసదన । సదనవసాదన దయయా కురు సాదనమంతరాయస్య ॥ 1 ॥
ఇందుకలా కలితాలిక సాలికశుంభత్కపోలపాలియుగ । వికటస్ఫుటకటధారాధారోఽస్యస్య ప్రపంచస్య ॥ 2 ॥
వరపరశుపాశపాణే పణితపణాయాపణాయితోఽసి యతః । ఆరూహ్య వజ్రదంతం ఆఖుం విదధాసి విపదంతమ్ ॥ 3 ॥
లంబోదర దూర్వాసన శయధృతసామోదమోదకాశనక । శనకైరవలోకయ మాం యమాంతరాయాపహారిచారుదృశా ॥ 4 ॥
ఆనందతుందిలాఖిలవృందారకవృందవందితాంఘ్రియుగ । సుఖధృతదండరసాలో నాగజభాలోఽతిభాసి విభో ॥ 5 ॥
అగణేయగుణేశాత్మజ చింతకచింతామణే గణేశాన । స్వచరణశరణం కరుణావరుణాలయ దేవ పాహి మాం దీనమ్ ॥ 6 ॥
రుచిరవచోఽమృతరావోన్నీతా నీతా దివం స్తుతిః స్ఫీతా । ఇతి షట్పదీ మదీయా గణపతిపాదాంబుజే విశతు ॥ 7 ॥
ఇతి చింతామణిషట్పదీ ॥
Browse Related Categories:
Offered for worship and study, not as prediction. Non-commercial.
More devotional texts