Shivananda Lahari

Shiva · Traditional devotional text · Source: vignanam.org (Traditional devotional text (public-domain shlokas))

English हिन्दी ಕನ್ನಡ తెలుగు தமிழ்മലയാളം বাংলা

కళాభ్యాం చూడాలంకృత-శశికళాభ్యాం నిజతపః- -ఫలాభ్యాం భక్తేషు ప్రకటిత-ఫలాభ్యాం భవతు మే । శివాభ్యా-మస్తోక-త్రిభువన-శివాభ్యాం హృది పున- -ర్భవాభ్యా-మానంద-స్ఫురదనుభవాభ్యాం నతిరియమ్ ॥ 1 ॥

గళంతీ శంభో త్వచ్చరిత-సరితః కిల్బిషరజో దళంతీ ధీకుల్యా-సరణిషు పతంతీ విజయతామ్ । దిశంతీ సంసార-భ్రమణ-పరితాపోపశమనం వసంతీ మచ్చేతోహ్రదభువి శివానందలహరీ ॥ 2 ॥

త్రయీవేద్యం హృద్యం త్రిపుర-హరమాద్యం త్రినయనం జటాభారోదారం చలదురగహారం మృగధరమ్ । మహాదేవం దేవం మయి సదయభావం పశుపతిం చిదాలంబం సాంబం శివమతి-విడంబం హృది భజే ॥ 3 ॥

సహస్రం వర్తంతే జగతి విబుధాః క్షుద్రఫలదా న మన్యే స్వప్నే వా తదనుసరణం తత్కృతఫలమ్ । హరి-బ్రహ్మాదీనా-మపి నికట-భాజామసులభం చిరం యాచే శంభో శివ తవ పదాంభోజ-భజనమ్ ॥ 4 ॥

స్మృతౌ శాస్త్రే వైద్యే శకున-కవితా-గానఫణితౌ పురాణే మంత్రే వా స్తుతి-నటన-హాస్యేష్వచతురః । కథం రాజ్ఞాం ప్రీతిర్భవతి మయి కోఽహం పశుపతే పశుం మాం సర్వజ్ఞ ప్రథిత కృపయా పాలయ విభో ॥ 5 ॥

ఘటో వా మృత్పిండో-ఽప్యణురపి చ ధూమోఽగ్నిరచలః పటో వా తంతుర్వా పరిహరతి కిం ఘోరశమనమ్ । వృథా కంఠక్షోభం వహసి తరసా తర్కవచసా పదాంభోజం శంభోర్భజ పరమసౌఖ్యం వ్రజ సుధీః ॥ 6 ॥

మనస్తే పాదాబ్జే నివసతు వచః స్తోత్రఫణితౌ కరౌ చాభ్యర్చాయాం శ్రుతిరపి కథా కర్ణనవిధౌ । తవ ధ్యానే బుద్ధిర్నయనయుగళం మూర్తివిభవే [బుద్ధిః నయనయుగళం] పర-గ్రంథాన్కైర్వా పరమశివ జానే పరమతః ॥ 7 ॥

Offered for worship and study, not as prediction. Non-commercial.

More devotional texts

Ananda Lahari Ardha Naareeswara Ashtakam Ardha Nareeswara Stotram Arunachala Akshara Mani Mala Stotram Arunachala Ashtakam Bilvaashtakam Chandrasekhara Ashtakam Dakshina Murthy Dwadasha Nama Stotram Dakshina Murthy Stotram Daridrya Dahana Shiva Stotram Dvadasha Jyothirlinga Stotram