अय्यप्प अष्टोत्तर शत नाम स्तोत्रम्

लोकाध्यक्षोऽग्रणीः श्रीमानप्रमेयपराक्रमः । सिंहारूढो गजारूढो हयारूढो महेश्वरः ॥ 3 ॥

नानाशस्त्रधरोऽनर्घो नानाविद्याविशारदः । नानारूपधरो वीरो नानाप्राणिनिषेवितः ॥ 4 ॥

भूतेशो भूतितो भृत्यो भुजंगाभरणोज्वलः । इक्षुधन्वी पुष्पबाणो महारूपो महाप्रभुः ॥ 5 ॥

मायादेवीसुतो मान्यो महनीयो महागुणः । महाशैवो महारुद्रो वैष्णवो विष्णुपूजकः ॥ 6 ॥

विघ्नेशो वीरभद्रेशो भैरवो षण्मुखप्रियः । मेरुशृंगसमासीनो मुनिसंघनिषेवितः ॥ 7 ॥

देवो भद्रो जगन्नाथो गणनाथो गणेश्वरः । महायोगी महामायी महाज्ञानी महास्थिरः ॥ 8 ॥

देवशास्ता भूतशास्ता भीमहासपराक्रमः । नागहारो नागकेशो व्योमकेशः सनातनः ॥ 9 ॥

सगुणो निर्गुणो नित्यो नित्यतृप्तो निराश्रयः । लोकाश्रयो गणाधीशश्चतुष्षष्टिकलामयः ॥ 10 ॥

ऋग्यजुःसामथर्वात्मा मल्लकासुरभंजनः । त्रिमूर्ति दैत्यमथनः प्रकृतिः पुरुषोत्तमः ॥ 11 ॥

कालज्ञानी महाज्ञानी कामदः कमलेक्षणः । कल्पवृक्षो महावृक्षो विद्यावृक्षो विभूतिदः ॥ 12 ॥

संसारतापविच्छेत्ता पशुलोकभयंकरः । रोगहंता प्राणदाता परगर्वविभंजनः ॥ 13 ॥

सर्वशास्त्रार्थतत्वज्ञो नीतिमान् पापभंजनः । पुष्कलापूर्णासंयुक्तः परमात्मा सतांगतिः ॥ 14 ॥

अनंतादित्यसंकाशः सुब्रह्मण्यानुजो बली । भक्तानुकंपी देवेशो भगवान् भक्तवत्सलः ॥ 15 ॥

Browse Related Categories: