नारायण उपनिषद्

ōṃ sa̠ha nā̍vavatu । sa̠ha nau̍ bhunaktu । sa̠ha vī̠rya̍-ṅkaravāvahai । tē̠ja̠svinā̠vadhī̍tamastu̠ mā vi̍dviṣā̠vahai̎ ॥ ōṃ śānti̠-śśānti̠-śśānti̍ḥ ॥

ōṃ atha puruṣō ha vai nārāyaṇō-'kāmayata prajā-ssṛ̍jēyē̠ti । nā̠rā̠ya̠ṇātprā̍ṇō jā̠yatē । mana-ssarvēndri̍yāṇi̠ cha । khaṃ vāyurjyōtirāpaḥ pṛthivī viśva̍sya dhā̠riṇī । nā̠rā̠ya̠ṇādbra̍hmā jā̠yatē । nā̠rā̠ya̠ṇādru̍drō jā̠yatē । nā̠rā̠ya̠ṇādi̍ndrō jā̠yatē । nā̠rā̠ya̠ṇātprajāpatayaḥ pra̍jāya̠ntē । nā̠rā̠ya̠ṇāddvādaśādityā rudrā vasavassarvāṇi cha Cha̍ndāg̠ṃsi । nā̠rā̠ya̠ṇādēva samu̍tpadya̠ntē । nā̠rā̠ya̠ṇē pra̍varta̠ntē । nā̠rā̠ya̠ṇē pra̍līya̠ntē ॥

ōm । atha nityō nā̍rāya̠ṇaḥ । bra̠hmā nā̍rāya̠ṇaḥ । śi̠vaścha̍ nārāya̠ṇaḥ । śa̠kraścha̍ nārāya̠ṇaḥ । dyā̠vā̠pṛ̠thi̠vyau cha̍ nārāya̠ṇaḥ । kā̠laścha̍ nārāya̠ṇaḥ । di̠śaścha̍ nārāya̠ṇaḥ । ū̠rdhvaścha̍ nārāya̠ṇaḥ । a̠dhaścha̍ nārāya̠ṇaḥ । a̠nta̠rba̠hiścha̍ nārāya̠ṇaḥ । nārāyaṇa ēvē̍dagṃ sa̠rvam । yadbhū̠taṃ yachcha̠ bhavyam̎ । niṣkalō nirañjanō nirvikalpō nirākhyāta-śśuddhō dēva ēkō̍ nārāya̠ṇaḥ । na dvi̠tīyō̎sti̠ kaśchi̍t । ya ē̍vaṃ vē̠da । sa viṣṇurēva bhavati sa viṣṇurē̍va bha̠vati ॥

ōmitya̍grē vyā̠harēt । nama i̍ti pa̠śchāt । nā̠rā̠ya̠ṇāyētyu̍pari̠ṣṭāt । ōmi̍tyēkā̠kṣaram । nama iti̍ dvē a̠kṣarē । nā̠rā̠ya̠ṇāyēti pañchā̎kṣarā̠ṇi । ētadvai nārāyaṇasyāṣṭākṣa̍ra-mpa̠dam । yō ha vai nārāyaṇasyāṣṭākṣara-mpada̍madhyē̠ti । anapabravassarvamā̍yurē̠ti । vindatē prā̍jāpa̠tyagṃ rāyaspōṣa̍-ṅgaupa̠tyam । tatō-'mṛtatvamaśnutē tatō-'mṛtatvamaśnu̍ta i̠ti । ya ē̍vaṃ vē̠da ॥

pratyagānanda-mbrahma puruṣa-mpraṇava̍svarū̠pam । akāra ukāra makā̍ra i̠ti । tānēkadhā samabharattadēta̍dōmi̠ti । yamuktvā̍ muchya̍tē yō̠gī̠ ja̠nma̠saṃsā̍raba̠ndhanāt । ō-nnamō nārāyaṇāyēti ma̍ntrōpā̠sakaḥ । vaikuṇṭhabhuvanalōka̍-ṅgami̠ṣyati । tadida-mpara-mpuṇḍarīkaṃ vi̍jñāna̠ghanam । tasmāttadidā̍vanmā̠tram । brahmaṇyō dēva̍kīpu̠trō̠ brahmaṇyō ma̍dhusū̠danōm । sarvabhūtasthamēka̍-nnārā̠yaṇam । kāraṇarūpamakāra pa̍rabra̠hmōm । ētadatharva śirō̍yō-'dhī̠tē prā̠tara̍dhīyā̠nō̠ rātrikṛta-mpāpa̍-nnāśa̠yati । sā̠yama̍dhīyā̠nō̠ divasakṛta-mpāpa̍-nnāśa̠yati । mādhyandinamādityābhimukhō̍-'dhīyā̠na̠ḥ pañchapātakōpapātakā̎tpramu̠chyatē । sarva vēda pārāyaṇa pu̍ṇyaṃ la̠bhatē । nārāyaṇasāyujyama̍vāpnō̠ti̠ nārāyaṇa sāyujyama̍vāpnō̠ti । ya ē̍vaṃ vē̠da । ityu̍pa̠niṣa̍t ॥