नवग्रह मंगल श्लॊकाः (नवग्रह मंगलाष्टकम्)

भौमो दक्षिणदिक्त्रिकोणयमदिग्विंध्येश्वरः खादिरः स्वामी वृश्चिकमेषयोस्तु सुगुरुश्चार्कः शशी सौहृदः । ज्ञोऽरिः षट्त्रिफलप्रदश्च वसुधास्कंदौ क्रमाद्देवते भारद्वाजकुलोद्वहोऽरुणरुचिः कुर्यात्सदा मंगलम् ॥ 3 ॥

सौम्यः पीत उदङ्मुखः समिदपामार्गोऽत्रिगोत्रोद्भवो बाणेशानदिशः सुहृद्रविसुतः शांतः सुतः शीतगोः । कन्यायुग्मपतिर्दशाष्टचतुरः षण्णेत्रगः शोभनो विष्णुर्देव्यधिदेवते मगधपः कुर्यात्सदा मंगलम् ॥ 4 ॥

जीवश्चांगिरगोत्रजोत्तरमुखो दीर्घोत्तराशास्थितः पीतोऽश्वत्थसमिच्च सिंधुजनितश्चापोऽथ मीनाधिपः । सूर्येंदुक्षितिजाः प्रिया बुधसितौ शत्रू समाश्चापरे सप्तद्वे नवपंचमे शुभकरः कुर्यात्सदा मंगलम् ॥ 5 ॥

शुक्रो भार्गवगोत्रजः सितरुचिः पूर्वामुखः पूर्वदिक् पांचालस्थ वृषस्तुलाधिपमहाराष्ट्राधिपौदुंबरः । इंद्राणीमघवा बुधश्च रविजो मित्रोर्क चंद्रावरी षष्ठत्रिर्दशवर्जिते भृगुसुतः कुर्यात्सदा मंगलम् ॥ 6 ॥

मंदः कृष्णनिभः सपश्चिममुखः सौराष्ट्रपः काश्यपः स्वामी नक्रसुकुंभयोर्बुधसितौ मित्रौ कुजेंदू द्विषौ । स्थानं पश्चिमदिक् प्रजापतियमौ देवौ धनुर्धारकः षट्त्रिस्थः शुभकृच्छनी रविसुतः कुर्यात्सदा मंगलम् ॥ 7 ॥

राहुः सिंहलदेशपोऽपि सतमः कृष्णांगशूर्पासनो यः पैठीनसगोत्रसंभवसमिद्दूर्वामुखो दक्षिणः । यः सर्पः पशुदैवतोऽखिलगतः सूर्यग्रहे छादकः षट्त्रिस्थः शुभकृच्च सिंहकसुतः कुर्यात्सदा मंगलम् ॥ 8 ॥

केतुर्जैमिनिगोत्रजः कुशसमिद्वायव्यकोणेस्थित- -श्चित्रांकध्वजलांछनो हि भगवान् यो दक्षिणाशामुखः । ब्रह्मा चैव तु चित्रगुप्तपतिमान् प्रीत्याधिदेवः सदा षट्त्रिस्थः शुभकृच्च बर्बरपतिः कुर्यात्सदा मंगलम् ॥ 9 ॥

इति नवग्रह मंगल स्तोत्रम् ।

Browse Related Categories: