Ganesha · Traditional devotional text · Source: vignanam.org (Traditional devotional text (public-domain shlokas))
नमोऽस्तु गणनाथाय सिद्धिबुद्धियुताय च । सर्वप्रदाय देवाय पुत्रवृद्धिप्रदाय च ॥ 1 ॥
गुरूदराय गुरवे गोप्त्रे गुह्यासिताय ते । गोप्याय गोपिताशेषभुवनाय चिदात्मने ॥ 2 ॥
विश्वमूलाय भव्याय विश्वसृष्टिकराय ते । नमो नमस्ते सत्याय सत्यपूर्णाय शुंडिने ॥ 3 ॥
एकदंताय शुद्धाय सुमुखाय नमो नमः । प्रपन्नजनपालाय प्रणतार्तिविनाशिने ॥ 4 ॥
शरणं भव देवेश संततिं सुदृढा कुरु । भविष्यंति च ये पुत्रा मत्कुले गणनायक ॥ 5 ॥
ते सर्वे तव पूजार्थं निरताः स्युर्वरोमतः । पुत्रप्रदमिदं स्तोत्रं सर्वसिद्धिप्रदायकम् ॥ 6 ॥
इति संतानगणपतिस्तोत्रं संपूर्णम् ॥
Browse Related Categories:
Offered for worship and study, not as prediction. Non-commercial.
More devotional texts