Vishnu · Traditional devotional text · Source: vignanam.org (Traditional devotional text (public-domain shlokas))
అథ చతుర్థస్తోత్రం
నిజపూర్ణసుఖామితబోధతనుః పరశక్తిరనంతగుణః పరమః । అజరామరణః సకలార్తిహరః కమలాపతిరీడ్యతమోఽవతు నః ॥ 1॥
Offered for worship and study, not as prediction. Non-commercial.
More devotional texts
యదసుప్తిగతోఽపి హరిః సుఖవాన్ సుఖరూపిణమాహురతో నిగమాః । స్వమతిప్రభవం జగదస్య యతః పరబోధతనుం చ తతః ఖపతిమ్ ॥ 2॥ (సుమతిప్రభవం) బహుచిత్రజగత్ బహుధాకరణాత్పరశక్తిరనంతగుణః పరమః । సుఖరూపమముష్యపదం పరమం స్మరతస్తు భవిష్యతి తత్సతతమ్ ॥ 3॥
స్మరణే హి పరేశితురస్య విభోర్మలినాని మనాంసి కుతః కరణమ్ । విమలం హి పదం పరమం స్వరతం తరుణార్కసవర్ణమజస్య హరేః ॥ 4॥
విమలైః శ్రుతిశాణనిశాతతమైః సుమనోఽసిభిరాశు నిహత్య దృఢమ్ । బలినం నిజవైరిణమాత్మతమోభిదమీశమనంతముపాస్వ హరిమ్ ॥ 5॥
న హి విశ్వసృజో విభుశంభుపురందర సూర్యముఖానపరానపరాన్ । సృజతీడ్యతమోఽవతి హంతి నిజం పదమాపయతి ప్రణతాం స్వధియా ॥ 6॥
పరమోఽపి రమేశితురస్య సమో న హి కశ్చిదభూన్న భవిష్యతి చ । క్వచిదద్యతనోఽపి న పూర్ణసదాగణితేడ్యగుణానుభవైకతనోః ॥ 7॥
ఇతి దేవవరస్య హరేః స్తవనం కృతవాన్ మునిరుత్తమమాదరతః । సుఖతీర్థపదాభిహితః పఠతస్తదిదం భవతి ధ్రువముచ్చసుఖమ్ ॥ 8॥
ఇతి శ్రీమదానందతీర్థభగవత్పాదాచార్య విరచితం ద్వాదశస్తోత్రేషు చతుర్థస్తోత్రం సంపూర్ణం
Browse Related Categories: