അഗ്നി സൂക്തമ് (ഋഗ്വേദ)

(ഋ.വേ.1.1.1)

അ॒ഗ്നിമീ॑ളേ പു॒രോഹി॑തം-യഁ॒ജ്ഞസ്യ॑ ദേ॒വമൃ॒ത്വിജ॑മ് । ഹോതാ॑രം രത്ന॒ധാത॑മമ് ॥ 1

അ॒ഗ്നിഃ പൂർവേ॑ഭി॒ര്​ഋഷി॑ഭി॒രീഡ്യോ॒ നൂത॑നൈരു॒ത । സ ദേ॒വാ।ണ് ഏഹ വ॑ക്ഷതി ॥ 2

അ॒ഗ്നിനാ॑ ര॒യിമ॑ശ്നവ॒ത്പോഷ॑മേ॒വ ദി॒വേദി॑വേ । യ॒ശസം॑-വീഁ॒രവ॑ത്തമമ് ॥ 3

അഗ്നേ॒ യം-യഁ॒ജ്ഞമ॑ധ്വ॒രം-വിഁ॒ശ്വതഃ॑ പരി॒ഭൂരസി॑ । സ ഇദ്ദേ॒വേഷു॑ ഗച്ഛതി ॥ 4

അ॒ഗ്നിര്​ഹോതാ॑ ക॒വിക്ര॑തുഃ സ॒ത്യശ്ചി॒ത്രശ്ര॑വസ്തമഃ । ദേ॒വോ ദേ॒വേഭി॒രാ ഗ॑മത് ॥ 5

യദ॒ങ്ഗ ദാ॒ശുഷേ॒ ത്വമഗ്നേ॑ ഭ॒ദ്രം ക॑രി॒ഷ്യസി॑ । തവേത്തത്സ॒ത്യമം॑ഗിരഃ ॥ 6

ഉപ॑ ത്വാഗ്നേ ദി॒വേദി॑വേ॒ ദോഷാ॑വസ്തര്ധി॒യാ വ॒യമ് । നമോ॒ ഭരം॑ത॒ ഏമ॑സി ॥ 7

രാജം॑തമധ്വ॒രാണാം॑ ഗോ॒പാമൃ॒തസ്യ॒ ദീദി॑വിമ് । വര്ധ॑മാനം॒ സ്വേ ദമേ॑ ॥ 8