Nitya Parayana · Traditional devotional text · Source: vignanam.org (Traditional devotional text (public-domain shlokas))
prabhāta ślōkaḥ
കരാഗ്രേ വസതേ ലക്ഷ്മീഃ കരമധ്യേ സരസ്വതീ । കരമൂലേ സ്ഥിതാ ഗൌരീ പ്രഭാതേ കരദര്ശനമ് ॥ [പാഠഭേദഃ - കരമൂലേ തു ഗോവിംദഃ പ്രഭാതേ കരദര്ശനമ് ॥]
prabhāta bhūmi ślōkaḥ
സമുദ്ര വസനേ ദേവീ പർവത സ്തന മംഡലേ । വിഷ്ണുപത്നി നമസ്തുഭ്യം, പാദസ്പര്ശം ക്ഷമസ്വമേ ॥
sūryōdaya ślōkaḥ
ബ്രഹ്മസ്വരൂപ മുദയേ മധ്യാഹ്നേതു മഹേശ്വരമ് । സാഹം ധ്യായേത്സദാ വിഷ്ണും ത്രിമൂര്തിം ച ദിവാകരമ് ॥
snāna ślōkaḥ
ഗംഗേ ച യമുനേ ചൈവ ഗോദാവരീ സരസ്വതീ നര്മദേ സിംധു കാവേരീ ജലേസ്മിന് സന്നിധിം കുരു ॥
namaskāra ślōkaḥ
ത്വമേവ മാതാ ച പിതാ ത്വമേവ, ത്വമേവ ബംധുശ്ച സഖാ ത്വമേവ । ത്വമേവ വിദ്യാ ദ്രവിണം ത്വമേവ, ത്വമേവ സർവം മമ ദേവദേവ ॥
bhasma dhāraṇa ślōkaḥ
ശ്രീകരം ച പവിത്രം ച ശോക നിവാരണമ് । ലോകേ വശീകരം പുംസാം ഭസ്മം ത്ര്യൈലോക്യ പാവനമ് ॥
bhōjana pūrva ślōkāḥ
Offered for worship and study, not as prediction. Non-commercial.
ബ്രഹ്മാര്പണം ബ്രഹ്മ ഹവിഃ ബ്രഹ്മാഗ്നൌ ബ്രഹ്മണാഹുതമ് । ബ്രഹ്മൈവ തേന ഗംതവ്യം ബ്രഹ്മ കര്മ സമാധിനഃ ॥
അഹം-വൈഁശ്വാനരോ ഭൂത്വാ പ്രാണിനാം ദേഹമാശ്രിതഃ । പ്രാണാപാന സമായുക്തഃ പചാമ്യന്നം ചതുർവിധമ് ॥
അന്നപൂര്ണേ സദാ പൂര്ണേ ശംകരപ്രാണവല്ലഭേ । ജ്ഞാനവൈരാഗ്യ സിദ്ധ്യര്ഥം ഭിക്ഷാം ദേഹി ച പാർവതി ॥
ത്വദീയം-വഁസ്തു ഗോവിംദ തുഭ്യമേവ സമര്പയേ । ഗൃഹാണ സുമുഖോ ഭൂത്വാ പ്രസീദ പരമേശ്വര ॥
bhōjanānantara ślōkaḥ
അഗസ്ത്യം-വൈഁനതേയം ച ശമീം ച ബഡബാലനമ് । ആഹാര പരിണാമാര്ഥം സ്മരാമി ച വൃകോദരമ് ॥
sandhyā dīpa darśana ślōkaḥ
ദീപജ്യോതിഃ പരം ബ്രഹ്മ ദീപജ്യോതിര്ജനാര്ദനഃ । ദീപോ ഹരതു മേ പാപം ദീപജ്യോതിര്നമോഽസ്തുതേ ॥
ശുഭം കരോതി കള്യാണം ആരോഗ്യം ധനസംപദഃ । ശത്രു-ബുദ്ധി-വിനാശായ ദീപജ്യോതിര്നമോഽസ്തുതേ ॥
nidrā/śayana ślōkaḥ
രാമം സ്കംദം ഹനുമംതം-വൈഁനതേയം-വൃഁകോദരമ് । ശയനേ യഃ സ്മരേന്നിത്യം ദുസ്വപ്ന-സ്തസ്യനശ്യതി ॥
aparādha kṣamāpaṇa stōtraṃ
അപരാധ സഹസ്രാണി, ക്രിയംതേഽഹര്നിശം മയാ । ദാസോഽയമിതി മാം മത്വാ, ക്ഷമസ്വ പരമേശ്വര ॥
കരചരണ കൃതം-വാഁ കര്മ വാക്കായജം-വാഁ ശ്രവണ നയനജം-വാഁ മാനസം-വാഁപരാധമ് । വിഹിത മവിഹിതം-വാഁ സർവമേതത് ക്ഷമസ്വ ശിവ ശിവ കരുണാബ്ധേ ശ്രീ മഹാദേവ ശംഭോ ॥
കായേന വാചാ മനസേംദ്രിയൈർവാ ബുദ്ധ്യാത്മനാ വാ പ്രകൃതേഃ സ്വഭാവാത് । കരോമി യദ്യത്സകലം പരസ്മൈ നാരായണായേതി സമര്പയാമി ॥
kārya prārambha stōtrāḥ
ശുക്ലാം ബരധരം-വിഁഷ്ണും ശശിവര്ണം ചതുര്ഭുജമ് । പ്രസന്നവദനം ധ്യായേത് സർവ വിഘ്നോപശാംതയേ ॥
യസ്യദ്വിരദ വക്ത്രാദ്യാഃ പാരിഷദ്യാഃ പരശ്ശതമ് । വിഘ്നം നിഘ്നംതു സതതം-വിഁഷ്വക്സേനം തമാശ്രയേ ॥
gaṇēśa stōtraṃ
വക്രതുംഡ മഹാകായ സൂര്യകോടി സമപ്രഭഃ । നിർവിഘ്നം കുരു മേ ദേവ സർവ കാര്യേഷു സർവദാ ॥
അഗജാനന പദ്മാര്കം ഗജാനന മഹര്നിശമ് । അനേകദം-തം ഭക്താനാമ്-ഏകദംത-മുപാസ്മഹേ ॥
viṣṇu stōtraṃ
ശാംതാകാരം ഭുജഗശയനം പദ്മനാഭം സുരേശം വിശ്വാധാരം ഗഗന സദൃശം മേഘവര്ണം ശുഭാംഗമ് । ലക്ഷ്മീകാംതം കമലനയനം-യോഁഗിഹൃദ്ധ്യാനഗമ്യം വംദേ വിഷ്ണും ഭവഭയഹരം സർവലോകൈകനാഥമ് ॥
gāyatri mantraṃ
ഓം ഭൂര്ഭുവ॒സ്സുവഃ॒ । തഥ്സ॑വി॒തുർവരേ᳚ണ്യം॒ । ഭര്ഗോ॑ ദേ॒വസ്യ॑ ധീമഹി । ധിയോ॒ യോ നഃ॑ പ്രചോദയാ᳚ത് ॥
śiva stōtraṃ
ത്ര്യം॑ബകം-യഁജാമഹേ സുഗം॒ധിം പു॑ഷ്ടി॒വര്ധ॑നമ് । ഉ॒ർവാ॒രു॒കമി॑വ॒ ബംധ॑നാന്-മൃത്യോ॑ര്-മുക്ഷീയ॒ മാഽമൃതാ᳚ത് ॥
വംദേ ശംഭുമുമാപതിം സുരഗുരും-വംഁദേ ജഗത്കാരണം വംദേ പന്നഗഭൂഷണം ശശിധരം-വംഁദേ പശൂനാം പതിമ് । വംദേ സൂര്യശശാംക വഹ്നിനയനം-വംഁദേ മുകുംദപ്രിയം വംദേ ഭക്തജനാശ്രയം ച വരദം-വംഁദേ ശിവം ശംകരമ് ॥
subrahmaṇya stōtraṃ
ശക്തിഹസ്തം-വിഁരൂപാക്ഷം ശിഖിവാഹം ഷഡാനനം ദാരുണം രിപുരോഗഘ്നം ഭാവയേ കുക്കുട ധ്വജമ് । സ്കംദം ഷണ്മുഖം ദേവം ശിവതേജം ചതുര്ഭുജം കുമാരം സ്വാമിനാധം തം കാര്തികേയം നമാമ്യഹമ് ॥
guru ślōkaḥ
ഗുരുര്ബ്രഹ്മ ഗുരുർവിഷ്ണുഃ ഗുരുര്ദേവോ മഹേശ്വരഃ । ഗുരുഃ സാക്ഷാത് പരബ്രഹ്മ തസ്മൈ ശ്രീ ഗുരവേ നമഃ ॥
hanuma stōtrāḥ
മനോജവം മാരുത തുല്യവേഗം ജിതേംദ്രിയം ബുദ്ധിമതാം-വഁരിഷ്ടമ് । വാതാത്മജം-വാഁനരയൂധ മുഖ്യം ശ്രീരാമദൂതം ശിരസാ നമാമി ॥
ബുദ്ധിര്ബലം-യഁശോധൈര്യം നിര്ഭയത്വമരോഗതാ । അജാഡ്യം-വാഁക്പടുത്വം ച ഹനുമസ്സ്മരണാദ്-ഭവേത് ॥
ജയത്യതി ബലോ രാമോ ലക്ഷ്മണസ്യ മഹാബലഃ । രാജാ ജയതി സുഗ്രീവോ രാഘവേണാഭി പാലിതഃ ॥
ദാസോഽഹം കോസലേംദ്രസ്യ രാമസ്യാക്ലിഷ്ട കര്മണഃ । ഹനുമാന് ശത്രുസൈന്യാനാം നിഹംതാ മാരുതാത്മജഃ ॥
śrīrāma stōtrāṃ
ശ്രീ രാമ രാമ രാമേതി രമേ രാമേ മനോരമേ സഹസ്രനാമ തത്തുല്യം രാമ നാമ വരാനനേ
ശ്രീ രാമചംദ്രഃ ശ്രിതപാരിജാതഃ സമസ്ത കള്യാണ ഗുണാഭിരാമഃ । സീതാമുഖാംഭോരുഹാ-ചംചരീകോ നിരംതരം മംഗളമാതനോതു ॥
śrīkṛṣṇa stōtraṃ
മംദാരമൂലേ മദനാഭിരാമം ബിംബാധരാപൂരിത വേണുനാദമ് । ഗോഗോപ ഗോപീജന മധ്യസംസ്ഥം ഗോപം ഭജേ ഗോകുല പൂര്ണചംദ്രമ് ॥
garuḍa svāmi stōtraṃ
കുംകുമാംകിതവര്ണായ കുംദേംദു ധവളായ ച । വിഷ്ണു വാഹ നമസ്തുഭ്യം പക്ഷിരാജായ തേ നമഃ ॥
dakṣiṇāmūrti stōtraṃ
ഗുരവേ സർവലോകാനാം ഭിഷജേ ഭവരോഗിണാമ് । നിധയേ സർവ വിദ്യാനാം ശ്രീ ദക്ഷിണാമൂര്തയേ നമ ॥
sarasvatī ślōkaḥ
സരസ്വതീ നമസ്തുഭ്യം-വഁരദേ കാമരൂപിണീ । വിദ്യാരംഭം കരിഷ്യാമി സിദ്ധിര്ഭവതു മേ സദാ ॥
യാ കുംദേംദു തുഷാര ഹാര ധവളാ, യാ ശുഭ്ര വസ്ത്രാവൃതാ [വസ്ത്രാന്വിതാ] । യാ വീണാ വരദംഡ മംഡിത കരാ, യാ ശ്വേത പദ്മാസനാ । യാ ബ്രഹ്മാച്യുത ശംകര പ്രഭൃതിഭിര്-ദേവൈഃ സദാ പൂജിതാ । സാ മാം പാതു സരസ്വതീ ഭഗവതീ നിശ്ശേഷജാഡ്യാപഹാ ॥
lakṣmī ślōkaḥ
ലക്ഷ്മീം ക്ഷീരസമുദ്ര രാജ തനയാം ശ്രീരംഗ ധാമേശ്വരീമ് । ദാസീഭൂത സമസ്ത ദേവ വനിതാം-ലോഁകൈക ദീപാംകുരാമ് । ശ്രീമന്മംധ കടാക്ഷ ലബ്ധ വിഭവ ബ്രഹ്മേംദ്ര ഗംഗാധരാമ് । ത്വാം ത്രൈലോക്യകുടുംബിനീം സരസിജാം-വംഁദേ മുകുംദപ്രിയാമ് ॥
durgā dēvī stōtraṃ
സർവ സ്വരൂപേ സർവേശേ സർവ ശക്തി സമന്വിതേ । ഭയേഭ്യസ്ത്രാഹി നോ ദേവി ദുര്ഗേദേവി നമോസ്തുതേ ॥
tripurasundarī stōtraṃ
ഓംകാര പംജര ശുകീം ഉപനിഷദുദ്യാന കേളി കലകംഠീമ് । ആഗമ വിപിന മയൂരീം ആര്യാം അംതർവിഭാവയേദ്ഗൌരീമ് ॥
dēvī ślōkaḥ
സർവ മംഗല മാംഗല്യേ ശിവേ സർവാര്ഥ സാധികേ । ശരണ്യേ ത്ര്യംബകേ ദേവി നാരായണി നമോസ്തുതേ ॥
vēṅkaṭēśvara ślōkaḥ
ശ്രിയഃ കാംതായ കള്യാണനിധയേ നിധയേഽര്ഥിനാമ് । ശ്രീ വേംകട നിവാസായ ശ്രീനിവാസായ മംഗളമ് ॥
bauddha prārthana
ബുദ്ധം ശരണം ഗച്ഛാമി ധര്മം ശരണം ഗച്ഛാമി സംഘം ശരണം ഗച്ഛാമി
śānti mantraṃ
അസതോമാ സദ്ഗമയാ । തമസോമാ ജ്യോതിര്ഗമയാ । മൃത്യോര്മാ അമൃതംഗമയാ । ഓം ശാംതിഃ ശാംതിഃ ശാംതിഃ
സർവേ ഭവംതു സുഖിനഃ സർവേ സംതു നിരാമയാഃ । സർവേ ഭദ്രാണി പശ്യംതു മാ കശ്ചിദ്ദുഃഖ ഭാഗ്ഭവേത് ॥ ഓം ശാംതിഃ ശാംതിഃ ശാംതിഃ
ഓം സർവേഷാം സ്വസ്തിര്ഭവതു, സർവേഷാം ശാംതിര്ഭവതു । സർവേഷാം പൂര്ണം ഭവതു, സർവേഷാം മംഗളം ഭവതു । ഓം ശാംതിഃ ശാംതിഃ ശാംതിഃ
ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ । ഓം ശാംതിഃ॒ ശാംതിഃ॒ ശാംതിഃ॑ ॥
svasti mantrāḥ
സ്വസ്തി പ്രജാഭ്യഃ പരിപാലയംതാം ന്യായേന മാര്ഗേണ മഹീം മഹീശാഃ । ഗോബ്രാഹ്മണേഭ്യ-ശ്ശുഭമസ്തു നിത്യം ലോകാ-സ്സമസ്താ-സ്സുഖിനോ ഭവംതു ॥
കാലേ വര്ഷതു പര്ജന്യഃ പൃഥിവീ സസ്യശാലിനീ । ദേശോയം ക്ഷോഭരഹിതോ ബ്രാഹ്മണാസ്സംതു നിര്ഭയാഃ ॥
viśēṣa mantrāḥ
പംചാക്ഷരീ മംത്രം - ഓം നമശ്ശിവായ അഷ്ടാക്ഷരീ മംത്രം - ഓം നമോ നാരായണായ ദ്വാദശാക്ഷരീ മംത്രം - ഓം നമോ ഭഗവതേ വാസുദേവായ