Hanuma · Traditional devotional text · Source: vignanam.org (Traditional devotional text (public-domain shlokas))
ഓം അസ്യ ശ്രീ ആപദുദ്ധാരക ഹനുമത് സ്തോത്ര മഹാമംത്ര കവചസ്യ, വിഭീഷണ ഋഷിഃ, ഹനുമാന് ദേവതാ, സർവാപദുദ്ധാരക ശ്രീഹനുമത്പ്രസാദേന മമ സർവാപന്നിവൃത്ത്യര്ഥേ, സർവകാര്യാനുകൂല്യ സിദ്ധ്യര്ഥേ ജപേ വിനിയോഗഃ ।
ധ്യാനമ് । വാമേ കരേ വൈരിഭിദം വഹംതം ശൈലം പരേ ശൃംഖലഹാരിടംകമ് । ദധാനമച്ഛച്ഛവിയജ്ഞസൂത്രം ഭജേ ജ്വലത്കുംഡലമാംജനേയമ് ॥ 1 ॥
സംവീതകൌപീന മുദംചിതാംഗുളിം സമുജ്ജ്വലന്മൌംജിമഥോപവീതിനമ് । സകുംഡലം ലംബിശിഖാസമാവൃതം തമാംജനേയം ശരണം പ്രപദ്യേ ॥ 2 ॥
ആപന്നാഖിലലോകാര്തിഹാരിണേ ശ്രീഹനൂമതേ । അകസ്മാദാഗതോത്പാത നാശനായ നമോ നമഃ ॥ 3 ॥
സീതാവിയുക്തശ്രീരാമശോകദുഃഖഭയാപഹ । താപത്രിതയസംഹാരിന് ആംജനേയ നമോഽസ്തു തേ ॥ 4 ॥
ആധിവ്യാധി മഹാമാരീ ഗ്രഹപീഡാപഹാരിണേ । പ്രാണാപഹര്ത്രേദൈത്യാനാം രാമപ്രാണാത്മനേ നമഃ ॥ 5 ॥
സംസാരസാഗരാവര്ത കര്തവ്യഭ്രാംതചേതസാമ് । ശരണാഗതമര്ത്യാനാം ശരണ്യായ നമോഽസ്തു തേ ॥ 6 ॥
വജ്രദേഹായ കാലാഗ്നിരുദ്രായാഽമിതതേജസേ । ബ്രഹ്മാസ്ത്രസ്തംഭനായാസ്മൈ നമഃ ശ്രീരുദ്രമൂര്തയേ ॥ 7 ॥
Offered for worship and study, not as prediction. Non-commercial.
More devotional texts
രാമേഷ്ടം കരുണാപൂര്ണം ഹനൂമംതം ഭയാപഹമ് । ശത്രുനാശകരം ഭീമം സർവാഭീഷ്ടപ്രദായകമ് ॥ 8 ॥
കാരാഗൃഹേ പ്രയാണേ വാ സംഗ്രാമേ ശത്രുസംകടേ । ജലേ സ്ഥലേ തഥാഽഽകാശേ വാഹനേഷു ചതുഷ്പഥേ ॥ 9 ॥
ഗജസിംഹ മഹാവ്യാഘ്ര ചോര ഭീഷണ കാനനേ । യേ സ്മരംതി ഹനൂമംതം തേഷാം നാസ്തി വിപത് ക്വചിത് ॥ 10 ॥
സർവവാനരമുഖ്യാനാം പ്രാണഭൂതാത്മനേ നമഃ । ശരണ്യായ വരേണ്യായ വായുപുത്രായ തേ നമഃ ॥ 11 ॥
പ്രദോഷേ വാ പ്രഭാതേ വാ യേ സ്മരംത്യംജനാസുതമ് । അര്ഥസിദ്ധിം ജയം കീര്തിം പ്രാപ്നുവംതി ന സംശയഃ ॥ 12 ॥
ജപ്ത്വാ സ്തോത്രമിദം മംത്രം പ്രതിവാരം പഠേന്നരഃ । രാജസ്ഥാനേ സഭാസ്ഥാനേ പ്രാപ്തേ വാദേ ലഭേജ്ജയമ് ॥ 13 ॥
വിഭീഷണകൃതം സ്തോത്രം യഃ പഠേത് പ്രയതോ നരഃ । സർവാപദ്ഭ്യോ വിമുച്യേത നാഽത്ര കാര്യാ വിചാരണാ ॥ 14 ॥
മംത്രഃ । മര്കടേശ മഹോത്സാഹ സർവശോകനിവാരക । ശത്രൂന് സംഹര മാം രക്ഷ ശ്രിയം ദാപയ ഭോ ഹരേ ॥ 15
ഇതി വിഭീഷണകൃതം സർവാപദുദ്ധാരക ശ്രീഹനുമത് സ്തോത്രമ് ॥
Browse Related Categories: