അര്ജുന കൃത ശ്രീ ദുര്ഗാ സ്തോത്രമ്

അര്ജുന ഉവാച

നമസ്തേ സിദ്ധസേനാനി ആര്യേ മംദരവാസിനി । കുമാരി കാളി കാപാലി കപിലേ കൃഷ്ണപിംഗളേ ॥ 1

ഭദ്രകാളി നമസ്തുഭ്യം മഹാകാളി നമോഽസ്തു തേ । ചംഡി ചംഡേ നമസ്തുഭ്യം താരിണി വരവര്ണിനി ॥ 2 ॥

കാത്യായനി മഹാഭാഗേ കരാളി വിജയേ ജയേ । ശിഖിപിംഛധ്വജധരേ നാനാഭരണഭൂഷിതേ ॥ 3 ॥

അട്ടശൂലപ്രഹരണേ ഖഡ്ഗഖേടകധാരിണി । ഗോപേംദ്രസ്യാനുജേ ജ്യേഷ്ഠേ നംദഗോപകുലോദ്ഭവേ ॥ 4 ॥

മഹിഷാസൃക്പ്രിയേ നിത്യം കൌശികി പീതവാസിനി । അട്ടഹാസേ കോകമുഖേ നമസ്തേഽസ്തു രണപ്രിയേ ॥ 5 ॥

ഉമേ ശാകംഭരി ശ്വേതേ കൃഷ്ണേ കൈടഭനാശിനി । ഹിരണ്യാക്ഷി വിരൂപാക്ഷി സുധൂമ്രാക്ഷി നമോഽസ്തു തേ ॥ 6 ॥

വേദശ്രുതിമഹാപുണ്യേ ബ്രഹ്മണ്യേ ജാതവേദസി । ജംബൂകടകചൈത്യേഷു നിത്യം സന്നിഹിതാലയേ ॥ 7 ॥

ത്വം ബ്രഹ്മവിദ്യാ വിദ്യാനാം മഹാനിദ്രാ ച ദേഹിനാമ് । സ്കംദമാതര്ഭഗവതി ദുര്ഗേ കാംതാരവാസിനി ॥ 8 ॥

സ്വാഹാകാരഃ സ്വധാ ചൈവ കലാ കാഷ്ഠാ സരസ്വതീ । സാവിത്രീ വേദമാതാ ച തഥാ വേദാംത ഉച്യതേ ॥ 9 ॥