അഷ്ടാവക്ര ഗീതാ ചതുര്ഥോഽധ്യായഃ

ജനക ഉവാച

ഹംതാത്മജ്ഞാനസ്യ ധീരസ്യ ഖേലതോ ഭോഗലീലയാ । ന ഹി സംസാരവാഹീകൈര്മൂഢൈഃ സഹ സമാനതാ ॥ 4-1

യത് പദം പ്രേപ്സവോ ദീനാഃ ശക്രാദ്യാഃ സർവദേവതാഃ । അഹോ തത്ര സ്ഥിതോ യോഗീ ന ഹര്ഷമുപഗച്ഛതി ॥ 4-2॥

തജ്ജ്ഞസ്യ പുണ്യപാപാഭ്യാം സ്പര്ശോ ഹ്യംതര്ന ജായതേ । ന ഹ്യാകാശസ്യ ധൂമേന ദൃശ്യമാനാപി സംഗതിഃ ॥ 4-3॥

ആത്മൈവേദം ജഗത്സർവം ജ്ഞാതം യേന മഹാത്മനാ । യദൃച്ഛയാ വര്തമാനം തം നിഷേദ്ധും ക്ഷമേത കഃ ॥ 4-4॥

ആബ്രഹ്മസ്തംബപര്യംതേ ഭൂതഗ്രാമേ ചതുർവിധേ । വിജ്ഞസ്യൈവ ഹി സാമര്ഥ്യമിച്ഛാനിച്ഛാവിവര്ജനേ ॥ 4-5॥

ആത്മാനമദ്വയം കശ്ചിജ്ജാനാതി ജഗദീശ്വരമ് । യദ് വേത്തി തത്സ കുരുതേ ന ഭയം തസ്യ കുത്രചിത് ॥ 4-6॥

Browse Related Categories: