ദാരിദ്ര്യ ദഹന ശിവ സ്തോത്രമ്

വിശ്വേശ്വരായ നരകാര്ണവ താരണായ കര്ണാമൃതായ ശശിശേഖര ധാരണായ । കര്പൂരകാംതി ധവളായ ജടാധരായ ദാരിദ്ര്യദുഃഖ ദഹനായ നമശ്ശിവായ ॥ 1 ॥

ഗൌരീപ്രിയായ രജനീശ കളാധരായ കാലാംതകായ ഭുജഗാധിപ കംകണായ । ഗംഗാധരായ ഗജരാജ വിമര്ധനായ ദാരിദ്ര്യദുഃഖ ദഹനായ നമശ്ശിവായ ॥ 2 ॥

ഭക്തപ്രിയായ [ഭക്തിപ്രിയായ] ഭവരോഗ ഭയാപഹായ ഉഗ്രായ ദുഃഖ [ദുര്ഗ] ഭവസാഗര താരണായ । ജ്യോതിര്മയായ ഗുണനാമ സുനൃത്യകായ ദാരിദ്ര്യദുഃഖ ദഹനായ നമശ്ശിവായ ॥ 3 ॥

ചര്മാംബരായ ശവഭസ്മ വിലേപനായ ഫാലേക്ഷണായ മണികുംഡല മംഡിതായ । മംജീരപാദയുഗളായ ജടാധരായ ദാരിദ്ര്യദുഃഖ ദഹനായ നമശ്ശിവായ ॥ 4 ॥

പംചാനനായ ഫണിരാജ വിഭൂഷണായ ഹേമാംകുശായ ഭുവനത്രയ മംഡിതായ ആനംദ ഭൂമി വരദായ തമോപയായ [തമോമയായ] । ദാരിദ്ര്യദുഃഖ ദഹനായ നമശ്ശിവായ ॥ 5 ॥

ഭാനുപ്രിയായ ഭവസാഗര താരണായ കാലാംതകായ കമലാസന പൂജിതായ । നേത്രത്രയായ ശുഭലക്ഷണ ലക്ഷിതായ ദാരിദ്ര്യദുഃഖ ദഹനായ നമശ്ശിവായ ॥ 6 ॥

രാമപ്രിയായ രഘുനാഥ വരപ്രദായ നാഗപ്രിയായ നരകാര്ണവ താരണായ । പുണ്യായ [പുണ്യേഷു] പുണ്യഭരിതായ സുരാര്ചിതായ ദാരിദ്ര്യദുഃഖ ദഹനായ നമശ്ശിവായ ॥ 7 ॥

മുക്തേശ്വരായ ഫലദായ ഗണേശ്വരായ ഗീതാപ്രിയായ വൃഷഭേശ്വര വാഹനായ । മാതംഗചര്മ വസനായ മഹേശ്വരായ ദാരിദ്ര്യദുഃഖ ദഹനായ നമശ്ശിവായ ॥ 8 ॥