Shiva · Traditional devotional text · Source: vignanam.org (Traditional devotional text (public-domain shlokas))
ദേവരാജ-സേവ്യമാന-പാവനാംഘ്രി-പംകജം വ്യാളയജ്ഞ-സൂത്രമിംദു-ശേഖരം കൃപാകരമ് । നാരദാദി-യോഗിബൃംദ-വംദിതം ദിഗംബരം കാശികാപുരാധിനാഥ കാലഭൈരവം ഭജേ ॥ 1 ॥
ഭാനുകോടി-ഭാസ്വരം ഭവബ്ധിതാരകം പരം നീലകംഠ-മീപ്സിതാര്ഥ-ദായകം ത്രിലോചനമ് । കാലകാല-മംബുജാക്ഷ-മക്ഷശൂല-മക്ഷരം കാശികാപുരാധിനാഥ കാലഭൈരവം ഭജേ ॥ 2 ॥
ശൂലടംക-പാശദംഡ-പാണിമാദി-കാരണം ശ്യാമകായ-മാദിദേവ-മക്ഷരം നിരാമയമ് । ഭീമവിക്രമം പ്രഭും വിചിത്ര താംഡവ പ്രിയം കാശികാപുരാധിനാഥ കാലഭൈരവം ഭജേ ॥ 3 ॥
ഭുക്തി-മുക്തി-ദായകം പ്രശസ്തചാരു-വിഗ്രഹം ഭക്തവത്സലം സ്ഥിരം സമസ്തലോക-വിഗ്രഹമ് । [സ്ഥിതം] നിക്വണന്-മനോജ്ഞ-ഹേമ-കിംകിണീ-ലസത്കടിം [വിനിക്വണന്] കാശികാപുരാധിനാഥ കാലഭൈരവം ഭജേ ॥ 4 ॥
ധര്മസേതു-പാലകം ത്വധര്മമാര്ഗ നാശകം [നാശനം] കര്മപാശ-മോചകം സുശര്മ-ദായകം വിഭുമ് । സ്വര്ണവര്ണ-കേശപാശ-ശോഭിതാംഗ-മംഡലം [ശെഷപാശ, നിര്മലം] കാശികാപുരാധിനാഥ കാലഭൈരവം ഭജേ ॥ 5 ॥
രത്ന-പാദുകാ-പ്രഭാഭിരാമ-പാദയുഗ്മകം നിത്യ-മദ്വിതീയ-മിഷ്ട-ദൈവതം നിരംജനമ് । മൃത്യുദര്പ-നാശനം കരാളദംഷ്ട്ര-മോക്ഷദം [ഭൂഷണം] കാശികാപുരാധിനാഥ കാലഭൈരവം ഭജേ ॥ 6 ॥
അട്ടഹാസ-ഭിന്ന-പദ്മജാംഡകോശ-സംതതിം ദൃഷ്ടിപാത-നഷ്ടപാപ-ജാലമുഗ്ര-ശാസനമ് । അഷ്ടസിദ്ധി-ദായകം കപാലമാലികാ-ധരം കാശികാപുരാധിനാഥ കാലഭൈരവം ഭജേ ॥ 7 ॥
ഭൂതസംഘ-നായകം വിശാലകീര്തി-ദായകം കാശിവാസി-ലോക-പുണ്യപാപ-ശോധകം വിഭുമ് । [കശിവാസ] നീതിമാര്ഗ-കോവിദം പുരാതനം ജഗത്പതിം കാശികാപുരാധിനാഥ കാലഭൈരവം ഭജേ ॥ 8 ॥
Offered for worship and study, not as prediction. Non-commercial.
കാലഭൈരവാഷ്ടകം പഠംതി യേ മനോഹരം ജ്ഞാനമുക്തി-സാധനം വിചിത്ര-പുണ്യ-വര്ധനമ് । ശോകമോഹ-ലോഭദൈന്യ-കോപതാപ-നാശനം [ദൈന്യലോഭ] തേ പ്രയാംതി കാലഭൈരവാംഘ്രി-സന്നിധിം ധ്രുവമ് ॥
ഇതി ശ്രീമത്പരമഹംസപരിവ്രാജകാചര്യസ്യ ശ്രീഗോവിംദഭഗവത്പൂജ്യപാദശിഷ്യസ്യ ശ്രീമച്ഛംകരഭഗവതഃ കൃതൌ ശ്രീ കാലഭൈരവാഷ്ടകം സംപൂര്ണമ് ।
Browse Related Categories: