Samskritam Songs · Traditional devotional text · Source: vignanam.org (Traditional devotional text (public-domain shlokas))
దేవవాణీం వేదవాణీం మాతరం వందామహే । చిరనవీనా చిరపురాణీం సాదరం వందామహే ॥ ధ్రు॥
దివ్యసంస్కృతిరక్షణాయ తత్పరా భువనే భ్రమంతః । లోకజాగరణాయ సిద్ధాః సంఘటనమంత్రం జపంతః । కృతిపరా లక్ష్యైకనిష్ఠా భారతం సేవామహే ॥ 1॥
భేదభావనివారణాయ బంధుతామనుభావయేమ । కర్మణా మనసా చ వచసా మాతృవందనమాచరేమ । కీర్తిధనపదకామనాభిర్విరహితా మోదామహే ॥ 2॥
సంస్కృతేర్విముఖం సమాజం జీవనేన శిక్షయేమ । మానుకూలాదర్శం వయం వై పాలయిత్వా దర్శయేమ । జీవనం సంస్కృత హితార్థం హ్యర్పితం మన్యామహే ॥ 3॥
వయమసాధ్యం లక్ష్యమేతత్ సంస్కృతేన సాధయంతః । త్యాగధైర్యసమర్పణేన నవలమితిహాసం లిఖంతః । జన్మభూమిసమర్చనేన సర్వతః స్పందామహే ॥ 4॥
భారతాః సోదరాః స్మో భావనేయం హృది నిధాయ । వయం సంస్కృతసైనికాః సజ్జీతా నైజం విహాయ । పరమవైభవసాధనాయా వరమహో యాచామహే ॥ 5॥
దేవవాణీం వేదవాణీం మాతరం వందామహే చిరనవీనాం చిరపురాణీం సాదరం వందామహే ॥
Browse Related Categories:
Offered for worship and study, not as prediction. Non-commercial.
More devotional texts