ദേവീ മാഹാത്മ്യം ദുര്ഗാ സപ്തശതി ത്രയോദശോഽധ്യായഃ

ഋഷിരുവാച

1

ഏതത്തേ കഥിതം ഭൂപ ദേവീമാഹാത്മ്യമുത്തമമ് । ഏവംപ്രഭാവാ സാ ദേവീ യയേദം ധാര്യതേ ജഗത് ॥2॥

വിദ്യാ തഥൈവ ക്രിയതേ ഭഗവദ്വിഷ്ണുമായയാ । തയാ ത്വമേഷ വൈശ്യശ്ച തഥൈവാന്യേ വിവേകിനഃ ॥3॥ തയാ ത്വമേഷ വൈശ്യശ്ച തഥൈവാന്യേ വിവേകിനഃ। മോഹ്യംതേ മോഹിതാശ്ചൈവ മോഹമേഷ്യംതി ചാപരേ ॥4॥

താമുപൈഹി മഹാരാജ ശരണം പരമേശ്വരീം। ആരാധിതാ സൈവ നൃണാം ഭോഗസ്വര്ഗാപവര്ഗദാ ॥5॥

മാര്കംഡേയ ഉവാച

6

ഇതി തസ്യ വചഃ ശൃത്വാ സുരഥഃ സ നരാധിപഃ। പ്രണിപത്യ മഹാഭാഗം തമൃഷിം സംശിതവ്രതമ് ॥7॥

നിർവിണ്ണോഽതിമമത്വേന രാജ്യാപഹരേണന ച। ജഗാമ സദ്യസ്തപസേ സച വൈശ്യോ മഹാമുനേ ॥8॥

സംദര്ശനാര്ഥമംഭായാ നദീപുലിന മാസ്ഥിതഃ। സ ച വൈശ്യസ്തപസ്തേപേ ദേവീ സൂക്തം പരം ജപന് ॥9॥

തൌ തസ്മിന് പുലിനേ ദേവ്യാഃ കൃത്വാ മൂര്തിം മഹീമയീമ്। അര്ഹണാം ചക്രതുസ്തസ്യാഃ പുഷ്പധൂപാഗ്നിതര്പണൈഃ ॥10॥

നിരാഹാരൌ യതാഹാരൌ തന്മനസ്കൌ സമാഹിതൌ। ദദതുസ്തൌ ബലിംചൈവ നിജഗാത്രാസൃഗുക്ഷിതമ് ॥11॥

ഏവം സമാരാധയതോസ്ത്രിഭിർവര്ഷൈര്യതാത്മനോഃ। പരിതുഷ്ടാ ജഗദ്ധാത്രീ പ്രത്യക്ഷം പ്രാഹ ചംഡികാ ॥12॥

ദേവ്യുവാചാ॥13॥

യത്പ്രാര്ഥ്യതേ ത്വയാ ഭൂപ ത്വയാ ച കുലനംദന। മത്തസ്തത്പ്രാപ്യതാം സർവം പരിതുഷ്ടാ ദദാമിതേ॥14॥

മാര്കംഡേയ ഉവാച॥15॥

തതോ വവ്രേ നൃപോ രാജ്യമവിഭ്രംശ്യന്യജന്മനി। അത്രൈവച ച നിജം രാജ്യം ഹതശത്രുബലം ബലാത്॥16॥

സോഽപി വൈശ്യസ്തതോ ജ്ഞാനം വവ്രേ നിർവിണ്ണമാനസഃ। മമേത്യഹമിതി പ്രാജ്ഞഃ സജ്ഗവിച്യുതി കാരകമ്॥17॥

ദേവ്യുവാച॥18॥

സ്വല്പൈരഹോഭിര് നൃപതേ സ്വം രാജ്യം പ്രാപ്സ്യതേ ഭവാന്। ഹത്വാ രിപൂനസ്ഖലിതം തവ തത്ര ഭവിഷ്യതി॥19॥

മൃതശ്ച ഭൂയഃ സംപ്രാപ്യ ജന്മ ദേവാദ്വിവസ്വതഃ। സാവര്ണികോ മനുര്നാമ ഭവാന്ഭുവി ഭവിഷ്യതി॥20॥

വൈശ്യ വര്യ ത്വയാ യശ്ച വരോഽസ്മത്തോഽഭിവാംചിതഃ। തം പ്രയച്ഛാമി സംസിദ്ധ്യൈ തവ ജ്ഞാനം ഭവിഷ്യതി॥21॥

മാര്കംഡേയ ഉവാച

ഇതി ദത്വാ തയോര്ദേവീ യഥാഖിലഷിതം വരം। ഭഭൂവാംതര്ഹിതാ സദ്യോ ഭക്ത്യാ താഭ്യാമഭിഷ്ടുതാ॥22॥

ഏവം ദേവ്യാ വരം ലബ്ധ്വാ സുരഥഃ ക്ഷത്രിയര്ഷഭഃ। സൂര്യാജ്ജന്മ സമാസാദ്യ സാവര്ണിര്ഭവിതാ മനുഃ॥23॥

ഇതി ദത്വാ തയോര്ദേവീ യഥഭിലഷിതം വരമ്। ബഭൂവാംതര്ഹിതാ സധ്യോ ഭക്ത്യാ താഭ്യാമഭിഷ്ടുതാ॥24॥

ഏവം ദേവ്യാ വരം ലബ്ധ്വാ സുരഥഃ ക്ഷത്രിയര്ഷഭഃ। സൂര്യാജ്ജന്മ സമാസാദ്യ സാവര്ണിര്ഭവിതാ മനുഃ॥25॥

।ക്ലീം ഓം।

॥ ജയ ജയ ശ്രീ മാര്കംഡേയപുരാണേ സാവര്ണികേ മന്വംതരേ ദേവീമഹത്യ്മേ സുരഥവൈശ്യ യോർവര പ്രദാനം നാമ ത്രയോദശോധ്യായസമാപ്തമ് ॥

॥ശ്രീ സപ്ത ശതീ ദേവീമഹത്മ്യം സമാപ്തമ് ॥ । ഓം തത് സത് ।

ആഹുതി ഓം ക്ലീം ജയംതീ സാംഗായൈ സശക്തികായൈ സപരിവാരായൈ സവാഹനായൈ ശ്രീ മഹാത്രിപുരസുംദര്യൈ മഹാഹുതിം സമര്പയാമി നമഃ സ്വാഹാ ॥

ഓം ഖഡ്ഗിനീ ശൂലിനീ ഘൊരാ ഗദിനീ ചക്രിണീ തഥാ ശംഖിണീ ചാപിനീ ബാണാ ഭുശുംഡീപരിഘായുധാ । ഹൃദയായ നമഃ ।

ഓം ശൂലേന പാഹിനോ ദേവി പാഹി ഖഡ്ഗേന ചാംബികേ। ഘംടാസ്വനേന നഃ പാഹി ചാപജ്യാനിസ്വനേന ച ശിരശേസ്വാഹാ ।

ഓം പ്രാച്യാം രക്ഷ പ്രതീച്യാം ച ചംഡികേ ദക്ഷരക്ഷിണേ ഭ്രാമരേ നാത്മ ശുലസ്യ ഉത്തരസ്യാം തഥേശ്വരി । ശിഖായൈ വഷട് ।

ഓം സഽഉമ്യാനി യാനിരൂപാണി ത്രൈലോക്യേ വിചരംതിതേ യാനി ചാത്യംത ഘോരാണി തൈ രക്ഷാസ്മാം സ്തഥാ ഭുവം കവചായ ഹുമ് ।

ഓം ഖഡ്ഗ ശൂല ഗദാ ദീനി യാനി ചാസ്താണി തേംബികേ കരപല്ലവസംഗീനി തൈരസ്മാ ന്രക്ഷ സർവതഃ നേത്രത്രയായ വഷട് ।

ഓം സർവസ്വരൂപേ സർവേശേ സർവ ശക്തി സമന്വിതേ ഭയേഭ്യസ്ത്രാഹിനോ ദേവി ദുര്ഗേ ദേവി നമോസ്തുതേ । കരതല കരപൃഷ്ടാഭ്യാം നമഃ । ഓം ഭൂര്ഭുവ സ്സുവഃ ഇതി ദിഗ്വിമികഃ ।

Browse Related Categories: