Devi · Traditional devotional text · Source: vignanam.org (Traditional devotional text (public-domain shlokas))
ഈശ്വര ഉവാച
ശൃണു ദേവി പ്രവക്ഷ്യാമി കവചം സർവസിദ്ധിദമ് । പഠിത്വാ പാഠയിത്വാ ച നരോ മുച്യേത സംകടാത് ॥ 1
അജ്ഞാത്വാ കവചം ദേവി ദുര്ഗാമംത്രം ച യോ ജപേത് । ന ചാപ്നോതി ഫലം തസ്യ പരം ച നരകം വ്രജേത് ॥ 2 ॥
ഉമാദേവീ ശിരഃ പാതു ലലാടേ ശൂലധാരിണീ । ചക്ഷുഷീ ഖേചരീ പാതു കര്ണൌ ചത്വരവാസിനീ ॥ 3 ॥
സുഗംധാ നാസികം പാതു വദനം സർവധാരിണീ । ജിഹ്വാം ച ചംഡികാദേവീ ഗ്രീവാം സൌഭദ്രികാ തഥാ ॥ 4 ॥
അശോകവാസിനീ ചേതോ ദ്വൌ ബാഹൂ വജ്രധാരിണീ । ഹൃദയം ലലിതാദേവീ ഉദരം സിംഹവാഹിനീ ॥ 5 ॥
കടിം ഭഗവതീ ദേവീ ദ്വാവൂരൂ വിംധ്യവാസിനീ । മഹാബലാ ച ജംഘേ ദ്വേ പാദൌ ഭൂതലവാസിനീ ॥ 6 ॥
ഏവം സ്ഥിതാഽസി ദേവി ത്വം ത്രൈലോക്യേ രക്ഷണാത്മികാ । രക്ഷ മാം സർവഗാത്രേഷു ദുര്ഗേ ദേവി നമോഽസ്തു തേ ॥ 7 ॥
ഇതി കുബ്ജികാതംത്രോക്തം ശ്രീ ദുര്ഗാ കവചമ് ।
Browse Related Categories:
Offered for worship and study, not as prediction. Non-commercial.