ദുര്ഗാ സൂക്തമ്

ഓമ് ॥ ജാ॒തവേ॑ദസേ സുനവാമ॒ സോമ॑ മരാതീയ॒തോ നിദ॑ഹാതി॒ വേദഃ॑ । സ നഃ॑ പര്-ഷ॒ദതി॑ ദു॒ര്ഗാണി॒ വിശ്വാ॑ നാ॒വേവ॒ സിംധും॑ ദുരി॒താഽത്യ॒ഗ്നിഃ ॥

താമ॒ഗ്നിവ॑ര്ണാം॒ തപ॑സാ ജ്വലം॒തീം-വൈഁ ॑രോച॒നീം ക॑ര്മഫ॒ലേഷു॒ ജുഷ്ടാ᳚മ് । ദു॒ര്ഗാം ദേ॒വീഗ്​മ് ശര॑ണമ॒ഹം പ്രപ॑ദ്യേ സു॒തര॑സി തരസേ॒ നമഃ॑ ॥

അഗ്നേ॒ ത്വം പാ॑രയാ॒ നവ്യോ॑ അ॒സ്മാംഥ്​സ്വ॒സ്തിഭി॒രതി॑ ദു॒ര്ഗാണി॒ വിശ്വാ᳚ । പൂശ്ച॑ പൃ॒ഥ്വീ ബ॑ഹു॒ലാ ന॑ ഉ॒ർവീ ഭവാ॑ തോ॒കായ॒ തന॑യായ॒ ശം​യോഁഃ ॥

വിശ്വാ॑നി നോ ദു॒ര്ഗഹാ॑ ജാതവേദഃ॒ സിംധു॒ന്ന നാ॒വാ ദു॑രി॒താഽതി॑പര്-ഷി । അഗ്നേ॑ അത്രി॒വന്മന॑സാ ഗൃണാ॒നോ᳚ഽസ്മാകം॑ ബോധ്യവി॒താ ത॒നൂനാ᳚മ് ॥

പൃ॒ത॒നാ॒ ജിത॒ഗ്​മ്॒ സഹ॑മാനമു॒ഗ്രമ॒ഗ്നിഗ്​മ് ഹു॑വേമ പര॒മാഥ്സ॒ധസ്ഥാ᳚ത് । സ നഃ॑ പര്-ഷ॒ദതി॑ ദു॒ര്ഗാണി॒ വിശ്വാ॒ ക്ഷാമ॑ദ്ദേ॒വോ അതി॑ ദുരി॒താഽത്യ॒ഗ്നിഃ ॥

പ്ര॒ത്നോഷി॑ ക॒മീഡ്യോ॑ അധ്വ॒രേഷു॑ സ॒നാച്ച॒ ഹോതാ॒ നവ്യ॑ശ്ച॒ സത്സി॑ । സ്വാംചാ᳚ഽഗ്നേ ത॒നുവം॑ പി॒പ്രയ॑സ്വാ॒സ്മഭ്യം॑ ച॒ സൌഭ॑ഗ॒മായ॑ജസ്വ ॥

ഗോഭി॒ര്ജുഷ്ട॑മയുജോ॒ നിഷി॑ക്തം॒ തവേം᳚ദ്ര വിഷ്ണോ॒രനു॒സംച॑രേമ । നാക॑സ്യ പൃ॒ഷ്ഠമ॒ഭി സം॒​വഁസാ॑നോ॒ വൈഷ്ണ॑വീം-ലോഁ॒ക ഇ॒ഹ മാ॑ദയംതാമ് ॥

ഓം കാ॒ത്യാ॒യ॒നായ॑ വി॒ദ്മഹേ॑ കന്യകു॒മാരി॑ ധീമഹി । തന്നോ॑ ദുര്ഗിഃ പ്രചോ॒ദയാ᳚ത് ॥