Shiva · Traditional devotional text · Source: vignanam.org (Traditional devotional text (public-domain shlokas))
ഗംഗാ തരംഗ രമണീയ ജടാ കലാപം ഗൌരീ നിരംതര വിഭൂഷിത വാമ ഭാഗം നാരായണ പ്രിയമനംഗ മദാപഹാരം വാരാണശീ പുരപതിം ഭജ വിശ്വനാഥമ് ॥ 1 ॥
വാചാമഗോചരമനേക ഗുണ സ്വരൂപം വാഗീശ വിഷ്ണു സുര സേവിത പാദ പദ്മം വാമേണ വിഗ്രഹ വരേന കലത്രവംതം വാരാണശീ പുരപതിം ഭജ വിശ്വനാഥമ് ॥ 2 ॥
ഭൂതാദിപം ഭുജഗ ഭൂഷണ ഭൂഷിതാംഗം വ്യാഘ്രാംജിനാം ബരധരം, ജടിലം, ത്രിനേത്രം പാശാംകുശാഭയ വരപ്രദ ശൂലപാണിം വാരാണശീ പുരപതിം ഭജ വിശ്വനാഥമ് ॥ 3 ॥
സീതാംശു ശോഭിത കിരീട വിരാജമാനം ബാലേക്ഷണാതല വിശോഷിത പംചബാണം നാഗാധിപാ രചിത ബാസുര കര്ണ പൂരം വാരാണശീ പുരപതിം ഭജ വിശ്വനാഥമ് ॥ 4 ॥
പംചാനനം ദുരിത മത്ത മതംഗജാനാം നാഗാംതകം ധനുജ പുംഗവ പന്നാഗാനാം ദാവാനലം മരണ ശോക ജരാടവീനാം വാരാണശീ പുരപതിം ഭജ വിശ്വനാഥമ് ॥ 5 ॥
തേജോമയം സഗുണ നിര്ഗുണമദ്വിതീയം ആനംദ കംദമപരാജിത മപ്രമേയം നാഗാത്മകം സകല നിഷ്കളമാത്മ രൂപം വാരാണശീ പുരപതിം ഭജ വിശ്വനാഥമ് ॥ 6 ॥
ആശാം വിഹായ പരിഹൃത്യ പരശ്യ നിംദാം പാപേ രഥിം ച സുനിവാര്യ മനസ്സമാധൌ ആധായ ഹൃത്-കമല മധ്യ ഗതം പരേശം വാരാണശീ പുരപതിം ഭജ വിശ്വനാഥമ് ॥ 7 ॥
രാഗാധി ദോഷ രഹിതം സ്വജനാനുരാഗം വൈരാഗ്യ ശാംതി നിലയം ഗിരിജാ സഹായം മാധുര്യ ധൈര്യ സുഭഗം ഗരളാഭിരാമം വാരാണശീ പുരപതിം ഭജ വിശ്വനാഥമ് ॥ 8 ॥
Offered for worship and study, not as prediction. Non-commercial.
വാരാണശീ പുര പതേ സ്ഥവനം ശിവസ്യ വ്യാഖ്യാതം അഷ്ടകമിദം പഠതേ മനുഷ്യ വിദ്യാം ശ്രിയം വിപുല സൌഖ്യമനംത കീര്തിം സംപ്രാപ്യ ദേവ നിലയേ ലഭതേ ച മോക്ഷമ് ॥
വിശ്വനാഥാഷ്ടകമിദം പുണ്യം യഃ പഠേഃ ശിവ സന്നിധൌ ശിവലോകമവാപ്നോതി ശിവേനസഹ മോദതേ ॥
Browse Related Categories: