Samskritam Songs · Traditional devotional text · Source: vignanam.org (Traditional devotional text (public-domain shlokas))
मनसा सततं स्मरणीयम् वचसा सततं वदनीयम् लोकहितं मम करणीयम् ॥ लोकहितम् ॥
न भोगभवने रमणीयम् न च सुखशयने शयनीयनम् अहर्निशं जागरणीयम् लोकहितं मम करणीयम् ॥ मनसा ॥
न जातु दुःखं गणनीयम् न च निजसौख्यं मननीयम् कार्यक्षेत्रे त्वरणीयम् लोकहितं मम करणीयम् ॥ मनसा ॥
दुःखसागरे तरणीयम् कष्टपर्वते चरणीयम् विपत्तिविपिने भ्रमणीयम् लोकहितं मम करणीयम् ॥ मनसा ॥
गहनारण्ये घनांधकारे बंधुजना ये स्थिता गह्वरे तत्रा मया संचरणीयम् लोकहितं मम करणीयम् ॥ मनसा ॥
रचन: सि. श्रीधर भास्कर वर्णॆकर
Browse Related Categories:
Offered for worship and study, not as prediction. Non-commercial.
More devotional texts