നാരായണീയം ദശക 49 - വൃംദാവനപ്രവേശമ്

ഭവത്പ്രഭാവാവിദുരാ ഹി ഗോപാസ്തരുപ്രപാതാദികമത്ര ഗോഷ്ഠേ । അഹേതുമുത്പാതഗണം വിശംക്യ പ്രയാതുമന്യത്ര മനോ വിതേനുഃ ॥1॥

തത്രോപനംദാഭിധഗോപവര്യോ ജഗൌ ഭവത്പ്രേരണയൈവ നൂനമ് । ഇതഃ പ്രതീച്യാം വിപിനം മനോജ്ഞം വൃംദാവനം നാമ വിരാജതീതി ॥2॥

ബൃഹദ്വനം തത് ഖലു നംദമുഖ്യാ വിധായ ഗൌഷ്ഠീനമഥ ക്ഷണേന । ത്വദന്വിതത്വജ്ജനനീനിവിഷ്ടഗരിഷ്ഠയാനാനുഗതാ വിചേലുഃ ॥3॥

അനോമനോജ്ഞധ്വനിധേനുപാലീഖുരപ്രണാദാംതരതോ വധൂഭിഃ । ഭവദ്വിനോദാലപിതാക്ഷരാണി പ്രപീയ നാജ്ഞായത മാര്ഗദൈര്ഘ്യമ് ॥4॥

നിരീക്ഷ്യ വൃംദാവനമീശ നംദത്പ്രസൂനകുംദപ്രമുഖദ്രുമൌഘമ് । അമോദഥാഃ ശാദ്വലസാംദ്രലക്ഷ്മ്യാ ഹരിന്മണീകുട്ടിമപുഷ്ടശോഭമ് ॥5॥

നവാകനിർവ്യൂഢനിവാസഭേദേഷ്വശേഷഗോപേഷു സുഖാസിതേഷു । വനശ്രിയം ഗോപകിശോരപാലീവിമിശ്രിതഃ പര്യഗലോകഥാസ്ത്വമ് ॥6॥

അരാലമാര്ഗാഗതനിര്മലാപാം മരാലകൂജാകൃതനര്മലാപാമ് । നിരംതരസ്മേരസരോജവക്ത്രാം കലിംദകന്യാം സമലോകയസ്ത്വമ് ॥7॥

മയൂരകേകാശതലോഭനീയം മയൂഖമാലാശബലം മണീനാമ് । വിരിംചലോകസ്പൃശമുച്ചശൃംഗൈര്ഗിരിം ച ഗോവര്ധനമൈക്ഷഥാസ്ത്വമ് ॥8॥